Themen in diesem Newsticker
- Nagina cursa rapida a La Thuile
- Nagin emprim trenament da las dunna a La Thuile
- Odermatt manchenta per 1 tschientavel il terz plaz
- Elena Stoffel dat adia al sport da professiun
- Victoria dubla austriaca ad Are
- Culla pitschna dal super-G è garantida per Odermatt
- Las Svizras persvadan pli pauc tar slalom gigant ad Are
- Podest tut svizzer tar cursa rapida dals umens a Kvitfjell
- Dominik Paris il pli spert en l'emprima cursa rapida a Kvitfjell
- Gut-Behrami e Debrunner nominadas per Laureus-Award
Quai èn stads ils campiunadis mundials a Saalbach
11 cursas, blera naiv e bler'allegria e travasch. Per la Svizra eran ils Campiunadis mundials da ski alpin a Saalbach in grond success. Bunamain mintga di da las davosas duas emnas ha il team naziunal pudì celebrar. En tut tredesch medaglias van in il conto da las skiunzas e skiunzs da la Svizra – uschè bleras sco nagina autra naziun. Sco congual: Avant dus onns aveva la Svizra gudagnà il classament da naziuns cun «be» 7 medaglias.
Cun las prestaziuns a Saalbach conferman Meillard, Rast, Holdener e co. che la Svizra dominescha il sport alpin.
Surtut ils umens han mussà fermas prestaziuns – saja quai en las cursas singulas, dentant er per exempel en la cumbinaziun da team, nua che tut las medaglias èn idas als Svizzers. Las dunnas han surtut en il slalom – lur davosa cursa – mussà tge ch'ellas san. In pau en la sumbriva stat Marco Odermatt. Dal traidubel victur da la culla gronda avess in u l'auter spetgà dapli che «be» ina medaglia d'aur en il super-G.
Qua pudais leger suenter tut ils resultats dals campiunadis mundials
