Il 55avel Maraton da skis è stà in per ils cudeschs d'istorgia. Bunas relaziuns da naiv e sulegl han procurà per fitg bunas cundiziuns sin ils 42 kilometers da Malögia a S-chanf. Stgars 12'400 curriduras e curridurs han prendì il traject sut ils skis. Da la vart da las dunnas hai dà ina victoria dubla svizra entras Nadine Fähndrich e l'indigena Giuliana Werro. Cun plaz trais è Valerio Grond da Tavau stà il pli svelt Svizzer – el ha stuì suttacumber en il sprint final a dus Norvegiais.
Tut ils resultats dal Maraton da skis engiadinais
Suenter la cursa tira er il comité d'organisaziun dal Maraton da skis engiadinais Menduri Kasper in facit positiv. Suenter onns difficils cun pauca naiv e sforzs d'organisar saja quest onn stà in onn ideal cun in maraton usità.
Engaschament total per ina buna partenza
A las trais la damaun èn els gia en plaina acziun. Els, quai è la truppa ch'installescha mintg'onn l'infrastructura da la partenza dal Maraton da skis engiadinais a Malögia. Il spezial è, che quella truppa è dapi onns adina la medema e la luna è adina fitg buna. Mintgin sa, tge che è da far, nua che mintga maun vegn duvrà. Il capo dal truppin è Guido Giovannini – el fa quella lavur dapi 12 onns.
-
Bild 1 von 11. Bildquelle: Keystone.
-
Bild 2 von 11. Bildquelle: Keystone.
-
Bild 3 von 11. Las duas Svizras Nadine Fähndrich e Giuliana Werro avant la Franzosa Miléna Berthet. Bildquelle: RTR.
-
Bild 4 von 11. Ils Norvegiais Håvard Moseby e Sverre Aspenes avant il Svizzer Valerio Grond. Bildquelle: RTR.
-
Bild 5 von 11. Atmosfera mistica a la partenza dal Maraton da skis engiadinais 2025. Bildquelle: Keystone.
-
Bild 6 von 11. Passlunghistas e passlunghists sco furmias. Bildquelle: Keystone.
-
Bild 7 von 11. Questa gruppa costumada è mintga onn da la partida – er il maraton 2025 n'han els betg manchentà. Bildquelle: RTR.
-
Bild 8 von 11. Ina u l'autra sfida sin loipa. Bildquelle: Keystone.
-
Bild 9 von 11. Il toc difficil en il Guaud da Staz è er lubì da prender giu ils skis ed ir a pe. Bildquelle: Keystone.
-
Bild 10 von 11. Il costum fa forsa anc pli svelt quest currider. Bildquelle: Keystone.
-
Bild 11 von 11. In zic glamour na dastga er betg mancar sin loipa. Bildquelle: RTR.
| RANG | DUNNAS | UMENS |
|---|---|---|
| 1. | Nadine Fähndrich (SUI) | Havard Moseby (NOR) |
| 2. | Giuliana Werro (SUI) | Sverre Dahlen Aspenes (NOR) |
| 3. | Mélina Berthet (FRA) | Valerio Grond (SUI) |
| 4. | Clémence Didierlaurent (FRA) | Mathias Sorensen (NOR) |
| 5. | Julie Marciniak (FRA) | Mikael Abram (ITA) |
| 6. | Kirsten Daae Wiig (NOR) | Arnaud Chautemps (FRA) |
| 7. | Maya Desseux (FRA) | Eirik Sverdrup Augdal (NOR) |
| 8. | Felicie Chappaz (FRA) | Simon Chappaz (FRA) |
| 9. | Tuva Toftdahl Staver (NOR) | Aubin Gauthier-Pélissier (FRA) |
| 10. | Océane Bépoix (FRA) | Noe Näff (SUI) |
Themen in diesem Liveticker
- Quai èsi stà dal liveticker dal maraton 2025
- Tge resta dal 55avel Maraton da skis engiadinais?
- Menduri Kasper fitg cuntent cun «relaziuns da siemi»
- Vuschs da curriders e curridras popularas
- Andreas Wieland cun in surrir en l'arrivada
- Buna atmosfera
- Nadine Fähndrich la pli sperta
- Dus Norvegiais avant Valerio Grond
- Bananas, plasters ed isostar
- Gruppa da 30 atlets
Emna da maraton
Il Maraton da skis engiadinais ch'ins po far sco maraton cumplain da 42 kilometers u sco mezmaraton da 21 kilometers è mintgamai il punct culminant da l'emna da maraton en Engiadin'Ota. Sper quel hai però anc dà autras cursas:
- 26 da favrer 2025 sprint da giuventetgna: Sin in traject da 800 meters sa mesiran giuvenils ed uffants en il sprint, i va per tecnica e sveltezza.
- 2 da mars 2025 cursa da las dunnas: Cursa da 17 kilometers da Samedan a S-chanf cun participaziun feminina.
- 6 da mars 2025 Cursa da notg: Cun partenza la saira las 19:00 vai sur 17 kilometers tras l'atmosfera nocturna da Segl enfin a Puntraschigna.
- 9 da mars 2025 mezmaraton e maraton: La cursa classica da Malögia a S-chanf (42 kilometers) e da Malögia a Puntraschigna (21 kilometers) è il punct culminant e final da l'emna da maraton.
Tut dal Maraton da skis engiadinais 2025
La pli gronda cursa populara en Svizra
Dapi il 1969 datti il Maraton da skis engiadinais che maina sur ils 42 kilometers da Malögia a S-chanf. Gia l'onn 1976 han ils organisaturs dumbrà dapli che 10'000 participantas e participants, oz èn quai radund 14'000 curridras e curriders che derivan da passa 60 naziuns. Al start dal 50avel maraton, il 2018 han ins cuntanschì il dumber maximal da 14'200 participants, per l'emprima giada insumma eri lura betg pli pussaivel da s'annunziar.
Dar si endretg tschaira
Curt avant il Maraton da skis engiadinais n'han las scolas da passlung betg pli bler da far cun scolaras e scolars che vulan emprender da far passlung. Cun il service da skis che las scolas porschan han quellas dentant bler da far.
Ed era las controllas da fluor èn puspè stadas tema quest onn: