Themen in diesem Newsticker
- Shiffrin gudogna la 100. cursa da la cuppa mundiala
- Super-G: Odermatt e Monney cun victoria dubla a Crans-Montana
- Podest per Gut-Behrami en slalom gigant a Sestrière
- Franjo von Allmen gudogna cursa rapida a Crans-Montana
- Slalom gigant: Camille Rast fa 9avla sco megliera Svizra
- Alice Robinson davant, las Svizras han pers bler
- 13 medaglias per la Svizra durant ils campiunadis mundials
- Loic Meillard è campiun mundial en il slalom
- Loic Meillard cumbatta per il titel da campiun
- Per finir il slalom – tut è pussaivel
Quai èn stads ils campiunadis mundials a Saalbach
11 cursas, blera naiv e bler'allegria e travasch. Per la Svizra eran ils Campiunadis mundials da ski alpin a Saalbach in grond success. Bunamain mintga di da las davosas duas emnas ha il team naziunal pudì celebrar. En tut tredesch medaglias van in il conto da las skiunzas e skiunzs da la Svizra – uschè bleras sco nagina autra naziun. Sco congual: Avant dus onns aveva la Svizra gudagnà il classament da naziuns cun «be» 7 medaglias.
Cun las prestaziuns a Saalbach conferman Meillard, Rast, Holdener e co. che la Svizra dominescha il sport alpin.
Surtut ils umens han mussà fermas prestaziuns – saja quai en las cursas singulas, dentant er per exempel en la cumbinaziun da team, nua che tut las medaglias èn idas als Svizzers. Las dunnas han surtut en il slalom – lur davosa cursa – mussà tge ch'ellas san. In pau en la sumbriva stat Marco Odermatt. Dal traidubel victur da la culla gronda avess in u l'auter spetgà dapli che «be» ina medaglia d'aur en il super-G.
Qua pudais leger suenter tut ils resultats dals campiunadis mundials
