Questa dumengia dat Vita e cretta in sguard enavos sin intginas ivettas. Nus laschain repassar l’istorgia enturn il misteri da la schamana da Bad Dürrenberg e sia fossa chattada en ils onns 1930 e laschain reviver ina episoda da la seria dal «super onn d’elecziuns» cun focus sin las dunnas en l’Iran. En nossa seria da stad ans raquinta Gino Calvuot da sia amur per la mar e cun persunas cun biografia da migraziun giain nus en ils ierts da la HEKS a Cuira. En questa davosa ediziun da l’onn 2024 ans deditgain a la reliquia da la Sontga Crusch da Jesus che vegn conservada a Savognin e nus ans regurdain da Pader Flurin 25 onns suenter sia mort.
cuntegn
In sguard enavos sin il 2024
L'onn 2024 en Vita e cretta – quest onn ha la redacziun dal magazin da etica e religiun realisà 54 ediziuns. Ediziuns ch'han raquintà istorgias ed eveniments ch'han sin ina moda u l’autra fatschentà vita e societad.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
