22.12.2024, 08:06 Ura - Super onn dad elecziuns - co èsi cun la democrazia?

Cun il 2024 va er a fin in superonn dad elecziuns. La mesadad da la populaziun mundiala, var quatter milliardas persunas, vivan en pajais, nua ch’igl ha dà quest onn elecziuns. Quai è stà raschun avunda per «Vita e cretta» da sentir il puls dad insaquants da quests pajais – da l’India fin en l’Uruguai, da l’Iran fin en l’Uniun europeica. Nus avain mess il focus sin la religiun. Uss, a la fin da l’onn, vali da far bilantscha. Perquai la dumonda al professer titular per istorgia dal temp nov, Hans-Lukas Kieser: Co vai uss, la fin dal 2024, cun la democrazia? Il discurs mussa ch’i na va betg propi meglier cun ella – anzi. Tant pli valessi da tegnair la dira. Mantegnair la democrazia è in maraton, betg be ina cursa.