Siglir tar il cuntegn

audio

Maletg: RTR

laschar ir. Durada: 57 minutas 34 Secundas.

cuntegn

Uruguai – l’insla laicistica en l’America Latina catolica

Sche «Vita e cretta» envida questa fin d'emna ad in viadi sur mar ad elecziuns, na vai betg en l'America dal Nord, mabain en l'America dal Sid – ad Uruguai.

Il pajais – che vala sco la Svizra da l'America Latina – elegia ses president ed il parlament. Quest super onn dad elecziuns dat l'occasiun a «Vita e cretta» da tutgar il puls da quest pajais, da sias tradiziuns democraticas e religiusas e da guardar tge ch'i vul dir dad esser laicistic amez in continent catolic. «Nadal na datti betg e l'emna sontga ha num emna da turissem», raquinta la correspundenta da radio SRF da l'America dal Sid, Teresa Delgado, ch'è stada dacurt en l'Uruguai. Questa emissiun è in'ulteriura part da nossa seria dal 2024 davart las elecziuns, la democrazia e la religiun en il mund.

Singulas contribuziuns

Pled sin via dad Anja Felix-Candrian

Durada 3 minutas 23 Secundas

Anja Felix-Candrian è plevonessa refurmada. Ella instruescha religiun ed etica en scola primara e superiura en il Partenz ed a Glion.

L'Uruguai - la Svizra da l'America Latina

Durada 5 minutas 19 Secundas

A partir dals 27-10-24 elegia l'Uruguai durant in mais ses president e ses parlament. Spetgà vegn ina midada da la regenza, di Teresa Delgado ch'è correspundenta da l'America dal Sid dad SRF. Il president actual na stat betg pli a disposiziun pervia da limitaziun d'uffizi. Probablamain vegni a dar ina midada da dretg a sanester. La populaziun spetga da la nova regenza ch'i vegn ì enturn perdert cun la problematica da drogas che crescha.

Teresa Delgado: «Ils Uruguaians èn ils ateists dals latinos»

Durada 9 minutas 55 Secundas

L'Uruguai ha ina constituziun laicistica tenor model franzos. Quai vul dir che la religiun e la politica èn fitg separads, di la correspundenta da l'America dal Sid da radio SRF. Il motiv è ch'en l'Uruguai èn framassuns sa chasads ed il pajais era ina giada occupà da catolics, lura da anglicans. Per tractar tuts tuttina è l'Uruguai sadecidì da sa dar ina constituziun laicistica, quai gia il 1918.