Sin tschintg curunas èn da chattar var 100 cudeschs rumantschs. L’iniziativa per il project vegn da l’uniun «inscunters rumantschs Berna». Ensemen cun la Lia Rumantscha haja l’uniun fatg ina schelta dals cudeschs, declera Cla Mathieu da l'uniun.
Per nus eri impurtant d’avair cudeschs da tut ils idioms e quai per giuven e vegl.
-
Bild 1 von 3Legenda: Cla Mathieu vegn regularmain cun sia famiglia per cudeschs rumantschs. RTR -
Bild 2 von 3Legenda: Il directur da la biblioteca dal Kornhaus è losch d'avair uss ina partiziun rumantscha en sia biblioteca. RTR
-
Bild 3 von 3Legenda: Quella porscha numnadamain 25 linguas – uss era il rumantsch. RTR
L’uniun ha sco finamira da dar la pussaivladad a Rumantschas e Rumantschs a Berna da cultivar la lingua materna – oravant tut era en famiglias. L’uniun è sa furmada cun sustegn da la Lia Rumantscha e da l'Uffizi federal da cultura che vul promover pli ferm la diaspora rumantscha. Cla Mathieu e ses uffants passan adina puspè en biblioteca per cudeschs. Dentant, ils cudeschs rumantschs na sajan anc betg propi arrivads tar la glieud, declera il directur da la biblioteca Dani Landolf. La bilantscha dal directur suenter ils emprims mais: «I dat anc potenzial». El è però persvas – sco era Cla Mathieu – che sche Rumantschas e Rumantschs en la regiun da Berna vegnan a savair da l’offerta, vegnan era ils cudeschs adina pli populars.