En differents lieus en il Grischun datti plans per implants solars en il rom dal Solarexpress. Uss datti er tals en Val Stussavgia. L'implant sin l'Alp Falätscha sut il Pass da Tumegl sin il territori dal Parc natiral Beverin duai vegnir realisà cun passa 29'000 panels solars ed ina prestaziun annuala da 16,7 uras gigawatt.
Il segund implant è previs sin l'Alp da Tenna cun passa 21'000 panels solars ed ina prestaziun annuala da 17,2 uras gigawatt. Ellas duain furnir energia per totalmain 7500 chasadas. Las duas ovras vegnan planisadas da l’interpresa SN Energias Regenerablas SA (SN Erneuerbare Energie SA) da Sogn Gagl . Quai è in dals gronds acziunaris da las ovras electricas da la Zervreila SA. Sco ch'i vegn declerà sin la pagina d’internet dal project duain ils implants producir passa 40% da la forza electrica durant l'enviern.
Gievgia saira ha preschentà l'interpresa l'interpresa detagls dals projects en il rom da la saira d'infurmaziun. Las reacziuns iniziala da la populaziun è stada plitost maschadadas. La posiziun da la suprastanza communala envers ils projects n'è anc betg clera, perquai ch'i ha dà midadas en suprastanza.
Ina decisiun vegn spetgada l'emna che vegn. Sche tut va tenor plan, pudess la populaziun decider davart ils projects il fanadur, uschia Andreas Jossi, mainafatschenta SN Energias Regenerablas SA.
Jau chapesch ils dubis. Blers han udì per l’emprima giada da las dimensiuns, ma nus essan persvads che nus planisain insatge bun per las generaziuns che vegnan.
Quai è in emprim pass. Sche las decisiun vegnian sut tetg enfin la fin da l'onn è il manader da l'interpresa optimistic da pudair cumenzar cun la construcziun il 2026. Quai fiss memia tard per profitar da las subvenziuns federalas en connex cun il Solarexpress, ma tut tenor pudessan quellas sa midar, uschia ch'i tanschia d'inoltrar la dumonda da bajegiar sin la fin da l'onn. Tenor il plan cuzzassan las lavurs circa quatter onns.
-
Bild 1 von 4. Emprima visualisaziun da l'implant solar sin l'Alp Falätscha. Bildquelle: SN Energias Regenerablas SA.
-
Bild 2 von 4. L’Alp da Tenna sur il runal da skis solar è il lieu da project per in dals projects solars alpins. Bildquelle: SN Energias Regenerablas SA.
-
Bild 3 von 4. Perimeter Alp Tenna. Bildquelle: SN Energias Regenerablas SA.
-
Bild 4 von 4. Paliet mussa sin batschigl da cumpensaziun. Perimeter Alp Falätscha. Bildquelle: SN Energias Regenerablas SA.
Projects sin buna via
En differentas vischnancas en il Grischun è il suveran stà clamà a l'urna per decider davart implants solars. Gist pir preschentà il project ad ina saira d'infurmaziun ha er la vischnanca da Cazas che vul realisar in'ovra sin la «Präzer Höhi». Sper las preschentaziun a Stussavgia hai gievgia er dà ina saira d'infurmaziun d'ina ovra solara a Scharans.
