La vischnanca ha decis suenter ina evaluaziun da surdar il project a l’Ovra electrica da Turitg EWZ sco investur. Il contract da dretg da construcziun prevesa in termin da 30 onns cun in’opziun da prolungaziun. Ultra da quai survegn la vischnanca ina pajament unic da 750'000 francs a l’entschatta da la construcziun sco er ina contribuziun annuala da 42'000 francs. Ils custs da construcziun vegnan stimads a radund 7 milliuns francs. Quest project na fa betg part al program da la Confederaziun dal Solarexpress che subvenziunescha projects solars autalpins. El survegna però subvenziuns per energia regenerabla.
Saira d'infurmaziun senza critica
La populaziun è vegnida infurmada la gievgia saira davart il project. Ella ha prendì enconuschientscha dals plans e las cifras senza ch'ins avess percurschì opposiziun. Uschia ha la participaziun publica cumenzà cun la saira d'infurmaziun e cuntinuescha cun in rapport che va en consultaziun tar la populaziun e las organisaziuns per l'ambient, ha ditg la suprastanta per energia Annemarie Bühler-Schneider. Suenter dettia in rapport revedì e lura la revisiun parziala da la planisaziun locala sco er il contract da dretg da construcziun cun la EWZ. Sche las propostas vegnan acceptadas e las autoritads chantunalas dattan il consentiment, pudess la construcziun cumenzar il pli baud l'onn 2027. Tenor indicaziuns da la suprastanza da Scharans è quai il meglier cas.
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
Plirs projects sin via en il Grischun – la survista
En differentas vischnancas en il Grischun è il suveran stà clamà a l'urna per decider davart implants solars. Gist pir preschentà il project ad ina saira d'infurmaziun ha er la vischnanca da Cazas che vul realisar in'ovra sin la «Präzer Höhi». Sper las preschentaziun a Scharans datti gievgia saira er ina saira d'infurmaziun da dus implants solars a Stussavgia.
