Siglir tar il cuntegn

Header

Survista video Survista audio

cuntegn

Solarexpress GR – ina survista En las muntognas svizras vegn producì dapli energia che spetgà

L'atun 2022 ha la Confederaziun lanscha il project Solarexpress. Dapi lura promova la Confederaziun speditivamain la realisaziun d'ovras solaras en il territori alpin. Qua ina survista dal stan actual dals projects gronds en il Grischun.

Autor: 

30.05.2024, 16:59

Parter

Sedrun Solar ha «surpassà las spetgas»

Avrir la box Serrar la box

Da Sedrun Solar han ins gia las emprimas cifras suenter la fasa da test. Dapi la primavaira 2023 furneschan l'ovra da test datas concretas. E quellas fetschian surstar, ha ditg Ciril Deplazes dad Energia Alpina envers il Tagesanzeiger.

L'ovra solara haja producì da l'avrigl 2023 fin la fin dal mars 2024 cun radund 1'700 uras kilowatt radund 4% dapli energia che planisà. 46% da quell'energia è vegnida producida durant l'enviern, pia tranter l'october ed il mars. E quai malgrà che l'aura n'è betg stada uschè buna, ha Deplazes agiuntà. Uschia haja quest'ovra da test surpassà la finamira da la Confederaziun.

Ed era autras ovras solaras che vegnan testadas en las muntognas svizras hajan surpassà las spetgas tenor las retschertgas dal Tagesanzeiger, uschia per exempel quella da Grengiols en il Vallais u l'ovra solara a Prafleuri en vischinanza da Grande Dixence.

Nov projects han superà las votaziuns a l'urna

En pliras vischnancas vegn u è vegnì votà davart la realisaziun da las ovras grondas en il territori alpin. Quellas votaziuns èn l'emprim obstachel per pudair realisar questas ovras grondas. Ils abitants e las abitantas da la vischnanca nua ch'il project è planisà ston dir Gea a quel. L'onn 2023 è vegnì votà 10 giadas en differentas vischnancas davart ovras solaras. Surmuntà quest obstachel han ils suandants projects:

Ils projects ch'han obtegnì in Gea tar las votaziuns vegnan en in proxim pass inoltrads tar la regenza. Vegn in project er approvà da la regenza dastga suenter 30 dis uffizialmain vegnir cumenzà cun la construcziun da l'ovra solara. Durant ils 30 dis èsi anc pussaivel da far recurs cunter il project.

Ils suandants projects han survegnì la lubientscha da la regenza grischuna:

  • Ovra solara sin il Vorab, Laax
  • Ovra solara Scharinas, Tujetsch – qua han las lavurs da construcziun cumenzà mez avust sco prima ovra insumma en il rom dal Solarexpress
  • Ovra solara Nalps, Tujetsch
  • Ovra Magriel sur Mustér

Amez d'ina procedura da permissiun è:

  • Ovra solara sin il Pass Bernina

In recurs è actualmain pendent tar:

En planisaziun èn ulteriurs projects ch'èn per part preschentads a la populaziun a sairadas d'infurmaziun, sur las medias ubain tras auters chanals da communicaziun.

Quatter projects refusads

Quests projects èn vegnids refusads a l'urna u a la radunanza communala:

Il project Solarexpress

Avrir la box Serrar la box

L'atun e l'enviern da l'onn 2022 èn stads marcads da la crisa d'energia. Per pudair garantir en l'avegnir meglier il provediment d'electricitad en Svizra ha il parlament creà il project Solarexpress. La finamira: promover la construcziun dad ovras solaras grondas en il territori alpin.

Ovras solaras nua che la dumonda da construcziun è inoltrada fin la fin dal 2025 profiteschan da las subvenziuns federalas en connex cun il Solarexpress. Quai ha il Cussegl dals chantuns decidi il december 2024 ed il Cussegl naziunal ha approvà questa varianta il mars en la sessiun da primavaira. En l'emprima varianta stuevan las ovras esser enfin la fin dal 2025 vi da la rait e producir 10% da l'energia previsa per profitar dals daners da la Confederaziun.

RTR novitads 09:00

Artitgels legids il pli savens

Menu

Tschertga

Navigaziun principala

Enquista en Modal

(Vegn avert en ina nova fanestra.)