Simon Halter da Vella viva dapi in mez onn en il Convict. Per el munta il Convict oravant tut ina curta via da scola. Plinavant appreziescha Simon che insatgièadina enturn per dar gieus u per discurrer. Sia chombra da durmir parta el cun Matteo Casanova da Lumbrein. Ils dus Lumnezians han ina buna relaziun in cun l’auter ed emprendan gugent ensemen. Era lur temps liber en il Convict passentan els ensemen cun dar darts, bigliardu auters gieus.
En il Convict naschan novas amicizias per la vita.
Quatter plauns pli engiu viva Giuanna Nuolf da Savognin. Sin ses plaun vivan mo mattatschas. Ensemen han ellas in bun spiert da cuminanza ed ina buna amicizia. Era Dajana Ristic da l’Engiadina Bassa viva sin l’emprim plaun ensemen cun Giuanna. Ella è oriundamain da Scuol ed ha raquintà ch’ella saja stada in pau schenada durant las emprimas pèr emnas. Cun il sustegn da sias novas collegas ha ella dentant pudì s’endisar e s’acclimatisar bain.
Ils quatter giuvenils s’enconuschan ussa era gia bain e passentan ensemen gugent bler temp.
Lavurar ensemen cun giuvenils gia dapi 25 onns
Oliver Wirz lavura dapi l’onn 2012 sco manader en il Convict. Avant haja el emprendì la professiun da pedagog social. Ad e lplaschia fitg bain la lavur cun giuvenilas e giuvenils ed el giaudia quels muments ensemen cun els - era sch’i dat tranteren pitschens incaps, sco ch’el tradescha.
Il bajetg dal Convict
Il Convict ha ina lunga tradiziun en l’istorgiada la Scola cantunala grischuna. Il bajetg dal Convict vegl sa chattava oriundamain tar la «Halde» sper il Sogn Luzi a Cuira. Ins ha entschet a fabritgar in nov Convict sin ina plaunca en ils onns 1967 enfin 1969. L’architect è stà Otto Glaus.
Suenter 50 onns aveva l’edifizi nair basegns d’ina renovaziun. Faschond las renovaziuns han ins mantegnì la moda da bajegiar dals onns 60, ins ha dentant transfurmà il stabiliment en in stadi pli actual e modern. Il Cussegl grond aveva mess a disposiziun in budget da 31,4 milliuns francs per pudair duvrar l’edifizi ils proxims 50 onns.
Viver e lavuraren la medema chasa
Franco Mayer abitescha dapi dus onns ensemen cun sia famiglia sin il terz plaundal Convict. Per el es la pli bella part da sia lavur, sch’el dastga preparar las occurrenzas ch’i dat adina puspè perlas avdantas ed ils avdants.
Intginas impressiuns dal Convict
-
Bild 1 von 8. Local da cuminanza. Las avdantas ed ils avdants dal Convict a Cuira han diversas pussaivladads da star en cumpagnia cun collegas en stanzas da cuminanza, nua ch’ins po passentar temp ensemen e dar gieus. Bildquelle: Matteo Casanova / RTR.
-
Bild 2 von 8. Fitness . Per las avdantas ed ils avdants che fan era gugent activitads sportivas hai era ina stanza da fitness cun differents urdegns per trenar la forza ed era la cundiziun. Bildquelle: Matteo Casanova / RTR.
-
Bild 3 von 8. Cuschina . Per giuvenilas e giuvenils che stattan era la fin d’emna en il Convict datti la pussaivladad da cuschinar sez en la cuschina. Bildquelle: Matteo Casanova / RTR.
-
Bild 4 von 8. Kino . En il kino han ins la chaschun da guardar in film ensemen cun collegas e giudair ina bella saira. Bildquelle: Matteo Casanova / RTR.
-
Bild 5 von 8. Stanza d’emprender. Sche la sutga en chombra daventa insacura malcumadaivla, pon ins ir en ina stanza d’emprender. Bildquelle: Matteo Casanova / RTR.
-
Bild 6 von 8. Stanza da musica. I dat trais stanzas da musica, en las qualas intgins instruments èn gia avant maun. Cunquai ch’ins na dastga betg sunar en l’atgna chombra per respect dals vischins, è quai ina bun’opziun. Bildquelle: Matteo Casanova / RTR.
-
Bild 7 von 8. Stanza da gieus. Il divertiment na vegn era betg a la curta, davent da bigliard, darts enfin automats da gieus datti tut. Mintgatant datti era turniers, nua che las avdantas ed ils avdants concurrenzeschan in encunter l’auter. Bildquelle: Matteo Casanova / RTR.
-
Bild 8 von 8. Terrassa . Ina talmain bella survista sur la cità da Cuira n’han ins betg en blers auters lieus. Sin la terrassa pon ins dar ballape, dar pingpong u simplamain era giudair la rendida dal sulegl en direcziun da la Surselva. Bildquelle: Matteo Casanova / RTR.