La Grischuna Annik Kälin è sigliada in nov record svizzer en halla. Als campiunadis svizzers da l'atletica leva en halla a Son Gagl, è la Grischuna da 23 onns arrivada sin 6,76 meters tar il sigl en lung. Quai èn tschintg centimeters pli lunsch che Irene Pusterla tar ses record svizzer en halla l'onn 2011.
En la concurrenza è Annik Kälin s'avischinada adina pli fitg al record. Ella è siglida quatter giadas 6,55 meters u dapli. E quest onn èn sin l'entir mund sulet set atletas sigliadas pli lunsch che Kälin. Ses record persunal tar concurrenzas en il liber è tar 6,73 meters.
video
Kälin: «Igl è schon cool d'era esser davant en ina disciplina singula»
Or da Sport-Clip dals 17.02.2024.
laschar ir. Durada: 2 minutas 7 Secundas.
Da valitar aut la prestaziun dad Annik Kälin èsi cunzunt, perquai che la Grischuna è atgnamain ina spezialista dal heptatlon, pia da la cumbinaziun da set disciplinas.
