Il duo grischun ha briglià la fin d'emna als campiunadis svizzers a Bellinzona. Il sprinter da Cuira William Reais che ha gudagnà ils titels sur ils 100 e 200 meters, parta a Budapest sur ils 200 meters. Annik Kälin da Grüsch ha tar ses comeback suenter ina blessura, gudagnà il titel da campiunessa svizra en il siglir lung. Als campiunadis mundials è ella la speranza svizra en il heptatlon. Avant in onn als campiunadis europeics, ha Kälin gudagnà la medaglia da bronz.
Ils campiunadis mundials da l'atletica leva han lieu dals 19 fin ils 27 d’avust a Budapest. Tenor Swiss Athletics poi anc dar ch'ulteriurs sportists vegnan selecziunads. L'equipa definitiva che va en l'Ungaria vegn ad esser fixada fin glindesdi che vegn.
Ord d'archiv
L'onn 2020 ha Radio RTR purtretà l'atleta e l'atlet grischun.
