Durant ils campiunadis mundials da biatlon emetta RTR las emissiuns da radio live or dal bus a Lantsch.
Venderdi 14-02
- 09:00-11:00
- 13:00-14:00
- 16:00-17:00
Sonda 15-02
- 09:00-10:00
- 10:00-12:00
- 13:00-14:00
- 17:00-18:00
Dumengia 16-02
- 10:00-12:00
- 13:00-14:00
- 17:00-18:00
Sonda 22-02
- 10:00-12:00
- 13:00-14:00
- 17:00-18:00
Dumengia 23-02
- 10:00-12:00
- 13:00-14:00
- 17:00-18:00
Il favrer sa derasa en il Grischun Central la fevra da biatlon. Durant nov dis datti enturn l'Arena da biatlon a Lantsch las concurrenzas dals campiunadis mundials da biatlon. En tut stattan sin il program 12 cursas nua ch'i va per aur, argient e bronz. Las emprimas medaglias datti da gudagnar ils 12 da favrer en la staffetta maschadada.
Aita Gasparin: «Il puls batta schon in zic pli fitg»
Ina gronda part da las atletas e dals atlets ha gia fatg il viadi a Lai in di avant la festa d’avertura. Là han pudì trenar per l’emprima giada sin la loipa da chasa, nua ch’i vegn cumbattì las proximas bun duas emnas per las medaglias.
In eveniment tut spezial èsi cunzunt era per Aita Gasparin ch’abitescha a Lantsch, betg lunsch davent da l’Arena da biatlon. Ella saja fitg gnervusa, ma era positiva, manegia la sora giuvna da las Gasparin’s dus dis avant l’emprima cursa. L’euforia ed il plaschair sin quest campiunadi mundial saja immens. Ella veglia giudair mintga di, declara Aita Gasparin che siemia sco tut sias collegas d’equipa d’ina emprima medaglia per la Svizra ad in campiunadi mundial da biatlon.
Las Grischunas
-
Bild 1 von 3. Elisa Gasparin (33 onns) è la davosa giada da la partida ad in'occurenza gronda, avant ch'ella sa retira la fin da la stagiun. Bildquelle: Keystone.
-
Bild 2 von 3. Era sia sora Aita Gasparin (30 onns) è vegnida nominada. Bildquelle: Keystone.
-
Bild 3 von 3. Sco er Lea Meier da Schiers, la giuvna da 23 onns vegn probabel ad esser la curridra da reserva. Bildquelle: Keystone.
Il program dals campiunadis mundials da biatlon
Era RTR è al lieu durant ils dis da concurrenza e rapporta da las prestaziuns sportivas e davart gidantras, fans ed autras istorgias sper la loipa.
-
Bild 1 von 3. Bildquelle: Lenzerheide 2025.
-
Bild 2 von 3. Bildquelle: Lenzerheide 2025.
-
Bild 3 von 3. Bildquelle: Lenzerheide 2025.
Suenter campiunadi europeic e cuppa mundiala suonda campiunadi mundial
Avant che Lantsch po daventar tribuna gronda per il sport da biatlon hai gia dà concurrenzas internaziunalas sco preparaziun. Il schaner 2023 hai dà ils campiunadis europeics da biatlon a Lantsch, a la partenza durant ils tschintg dis d'occurrenzas sajan stadas 6'500 visitadras e visitaders. Il december 2023 è suandà ina fin d'emna cun cursas da la cuppa mundiala. Durant ils quatter dis èn en tut 22'500 persunas stadas part da las cursas.
