Il pli impurtant en curt:
- Ils prims campiunadis mundials da biatlon en svizra han attratg passa 80'000 fans.
- Organisatoricamain èni stads in success – medaglias svizras n'hai però dà naginas.
- Er il resun da l'Uniun internaziunala da biatlon è fitg positiv. Perquai resta Lai er ils onns 2028 e 2030 lieu da la cuppa mundiala.
- Ils megliers plazs Grischuns han fatg Niklas Hartweg sco 17avel ed Aita Gasparin sco 11avla mintgamai en il start da massa.
Organisatoricamain top
Ils prims campiunadis mundials da biatlon en Svizra ch'han gì lieu a Lai sajan stads in grond success, ha ditg il CEO Jürg Capol ad ina conferenza da pressa. Cun passa 80'000 aspectaturas ed aspectaturs durant nov dis da concurrenza sajan las aspectativas vegnidas surpassadas cleramain. Avant l'occurrenza n'aveva la Svizra strusch experientscha en il biatlon, ma ils campiunadis mundials han ussa purtà il sport era sin nossa carta geografica.
L'organisaziun da l'occurrenza saja stada per gronda part senza incaps, malgrà las sfidas da l'entschatta, sco la mancanza d'in comité d'organisaziun ed ils alloschis limitads. Contribuì a quest success han era passa 850 voluntaris e voluntarias, profis davos las culissas sco er ils fans da l'entir mund – tranter els ed ellas er Ursin Fravi, ina dals pioniers ch'ha purtà il biatlon a Lai. El è stà giast en noss Profil ed ha raquinta co igl è da vesair che ses siemi da purtar ils campiunadis mundials da biatlon a Lai è finalmain ì en vigur suenter blers onns plain stentas.
Il resun positiv – surtut da l'Uniun internaziunala da biatlon – accentueschia il success da l'occurrenza. Lai vegn perquai puspè ad esser represchentà en il chalender da la cuppa mundiala durant ils onns 2028 e 2030. La finamira è da pudair profitar a lunga vista dals campiunadis mundials e d'evitar exempels negativs sco la Corea dal Sid e la China. Il CEO dals campiunadis mundials a Lai, Jürg Capol, lavura a partir da l'avrigl sco directur nordic tar Swiss-Ski e s'engascha per sviluppar vinavant il sport da biatlon en Svizra.
Sportivamain n'ha la Svizra betg pudì sa profilar
Ils detagls davart ils resultats dals campiunadis mundials da biatlon a Lai pudais leger suenter en noss ticker:
Themen in diesem Newsticker
- Festa norvegiaisa en la davosa cursa
- Aita Gasparin meglra Svizra sin plazza 11 en la partenza da massa
- Staffetta dals umens va sin rang set
- Era la staffetta da las dunnas na va betg sin il podest
- La staffetta maschadada croda sper il podest
- Niklas Hartweg daventa 5avel
- Biatlets svizzers oz cun la proxima schanza
- Franzosa Julia Simon gudogna cursa singula da 15 km
- Segunda medaglia d'aur per Johannes Thingnes Bö
- Persecuziun: Soras Gasparin è cuntentas cun lur prestaziuns
Tut las intervistas cun las grischunas Elisa ed Aita Gasparin
Or da vista sportiva èn ils campiunadis mundials stads in success mains grond per la Svizra. Ma tuttina: Per biatletas e biatlets svizzers è quels dis ì in siemi en vigur. Per l'emprima giada insumma han els dastgà ir a la partenza a campiunadis mundials en l'atgna patria. Envers RTR han las biatletas ed ils biatlets respundì mintgamai 10 dumondas:
RTR Talk
Festa d'avertura en atmosfera famigliara
La festa d’avertura è stada en il center da Lai: Uffants han chantà, politica e prominenza han drizzà pleds al public ed a la fin hai dà ina show da laser sur il glatsch da Lai.
Impressiuns da la saira d'avertura
-
Bild 1 von 5. Bildquelle: RTR.
-
Bild 2 von 5. Bildquelle: RTR.
-
Bild 3 von 5. Bildquelle: RTR.
-
Bild 4 von 5. Bildquelle: RTR.
-
Bild 5 von 5. Bildquelle: Regiun da vacanzas Lai.
Biatlon – tge?!
