La Federaziun svizra da skis, Swiss Ski, surpiglia l’Arena da biatlon Lai SA da Michael Hartweg. Quai a partir dal prim da matg 2022 – sco Swiss Ski scriva. Suenter la surpigliada saja la planisaziun e l’organisaziun da las occurrenzas grondas en il center, numnadamain: Mez december 2023 l’emprima cursa da la cuppa mundiala ed il favrer 2025 il campiunadi mundial da biatlon. En il senn da la cuntinuitad restia tranter auter l’acziunari principal Michael Hartweg en il cussegl d’administraziun. El e ses team hajan mess ina basa grondiusa ils ultims onns sin la quala l'arena possia vegnir sviluppada vinavant.
Anc grond potenzial sin nivel strategic
Cun Swiss Ski sco acziunari principal da l'arena da biatlon èn omaduas partidas persvasas d'avair fatg in pass en la dretga direcziun, per cuntinuar da sviluppar il sport da biatlon. Principalmain quai che pertutgia la part strategiaca, haja ì anc grond potenzial, hai num en la communicaziun da Swiss Ski. Ina da las finamiras è da daventar il center principal per il sport d'elita en Svizra.
