Arena da biatlon (Lantsch) - Pista per skis cun rodas vegn schlargiada
La biatleta Selina Gasparin ha fatg l’emprima badigliada per il schlargiament da la pista d’ir cun skis cun rodas en l’arena da biatlon a Lantsch. La pista vegn schlargiada dad 1,6 sin total 4 kilometers.
Las lavurs cuzzan enfin l’onn 2023, investids vegnan 3,3 milliuns francs. Cun far pli attractiva la pista d’ir cun skis cun rodas speran ils responsabels che las atletas ed ils atlets nizzegian en l’avegnir betg pli las vias publicas. Oriundamain èsi stà planisà da prolungar la pista sin 5,2 kilometers, empè da mo 4 kilometers. La Pro Natura ed il WWF avevan fatg recurs, perquai ch’il traject planisà fiss tranter auter ì tras in territori cun potenzial da vegnir protegì.
1 / 3
Legenda:
La biatleta Selina Gasparin sa legra sin l'engrondiment da la pista d'ir cun skis cun rodas.
MAD, Roland Arena
2 / 3
Legenda:
Michael Hartweg, il president dal cussegl d'administraziun da la Biatlon Arena SA (sanester), reteschaiva in schec da Lukas Keel, il schef da Biatlon Swiss-Ski.
MAD, Roland Arena
3 / 3
Legenda:
La gruppa da project da l'engrondiment da la pista d'ir cun skis cun rodas.
MAD, Roland Arena
L’onn 2023 ha lieu a Lantsch la cuppa mundiala da biatlon, e l’onn 2025 il campiunadi mundial.