Iniziativa da biodiversitad
Svizra: Iniziativa da biodiversitad
-
GEA
926'032 Vuschs
-
NA
1'579'427 Vuschs
Vuschs dals chantuns
- GEA
- Na
Uniun purila grischuna è cuntenta – Pro Natura vul guardar pli fitg sin leschas existentas
L'iniziativa da biodiversitad vuleva ulteriuras, pli strictas mesiras da la Confederaziun per proteger las spezias d'animals e plantas en Svizra, che quellas ch'existan fin uss.
L'uniun grischuna dals purs aveva exprimì cleramain avant las votaziuns che las pretensiuns da l'iniziativa da biodiversitad «sajettian sur ils cunfins or e pericliteschia tranter auter er il futur da purs giuvens.»
Il president da l'uniun, Thomas Roffler, di che la discussiun da biodiversitad va vinavant. Els sajan dentant encunter dapli leschas e cumonds da surengiu. Ins duaja motivar la glieud da far insatge senza ulteriuras reglas.
Per Armando Lenz da la Pro Natura resta il problem, in terz da las spezias sajan periclitadas. Il suveran haja decis che las leschas existentas tanschan, uss stoppian ins guardar che quellas vegnian messas en la pratica meglier.
Cler resultat en il Grischun
Il suveran Grischun refusa cleramain l'iniziativa, cun 67,2% da las vuschs. Sa participads èn 43,9% da las persunas cun dretg da vuschar. Tut las vischnancas grischunas han refusà l'iniziativa – il pli cler Na vegn da Furna en il Partenz cun passa 90% da las vuschs.
