L’Eurovision Song Contest 2025 vegn ad avair ver lieu a Basilea.
A las 13.00 suonda ina conferenza da medias or da la citad victura.
Ils dus mezfinals vegnan ad avair lieu ils 13 e 15 da matg – il final è lura ils 17 da matg 2025.
Tgi che represchenta la Svizra musicalmain vegn communitgà al cumenzament dal 2025
Grond plaschair a Basilea. La citad dastga betg be sa legrar d’in eveniment tut aparti, mabain era sin l’attenziun e la reclama internaziunala che l'ESC porta cun el. La 69avla ediziun da l'Eurovision Song Contest ha lieu en Svizra grazia a la victoria da Nemo
.
Tenor ils plans duai l'event avair lieu en la «Sankt-Jakobshalle». En il stadion da ballapè ch'è dasperas duai dar in public viewing.
Legenda:
Cun «The Code» n’ha Nemo betg be persvas la giuria Svizra mabain era quella da l’ESC ed il public ed uschia gudagnà la 68avla ediziun. Or da quest motiv vegn la proxima ediziun ad avair lieu en Svizra.
Keystone
L'ESC turna en Svizra per la terza giada
Avrir la boxSerrar la box
2025 vegn ad esser la terza giada che l'ESC ha lieu en Svizra.
L'onn 1956
ha Lugano
organisà la pli emprima ediziun da l'occurenza da musica. Gudagnà ha quella la svizra Lys Assia cun la chanzun «Refrain». La Svizra aveva dentant desistì d'organisar l'ESC duas giadas en seria.
L'onn 1989
ha l'occurenza gì lieu a Losanna
. Quai suenter la victoria da Celine Dion cun «Ne Partez Pas Sans Moi» per la Svizra.
