- L’Eurovision Song Contest 2025 vegn ad avair lieu a Basilea.
- Ils dus mezfinals vegnan ad avair lieu ils 13 e 15 da matg – il final è lura ils 17 da matg 2025.
- Zoë Më represchenta la Svizra musicalmain
- L'ESC vegn moderà da Michelle Hunziker, Hazel Brugger e Sandra Studer.
Grond plaschair a Basilea. La citad dastga betg be sa legrar d’in eveniment tut aparti, mabain era sin l’attenziun e la reclama internaziunala che l'ESC porta cun el. La 69avla ediziun da l'Eurovision Song Contest ha lieu en Svizra grazia a la victoria da Nemo.
Tenor ils plans duai l'event avair lieu en la «Sankt-Jakobshalle». En il stadion da ballapè ch'è dasperas duai dar in public viewing.
-
Bild 1 von 3. Moderà vegn il ESC da Michelle Hunziker, Hazel Brugger e Sandra Studer. Bildquelle: SRG SSR.
-
Bild 2 von 3. La presidenta dal parlament da Malmö, Carina Nilsson, ha surdà il stab da la funcziun dal ESC en furma d'ina badgetta al president da la regenza da Basilea Conradin Cramer. Bildquelle: Dominik Pluess.
-
Bild 3 von 3. Cun «The Code» n’ha Nemo betg be persvas la giuria Svizra mabain era quella da l’ESC ed il public ed uschia gudagnà la 68avla ediziun. Or da quest motiv vegn la proxima ediziun ad avair lieu en Svizra. Bildquelle: Keystone.
Tge pajais concurrenzeschan en ils mezfinals?
Ils 28 da schaner ha Malmö surdà il ESC simbolicamain a Basilea. Plinavant è vegnì tratg la sort per ils mezfinals tgi che concurrenzescha in cun l'auter. La Svizra è sco pajais ospitant automaticamain en il final, sco er la Germania, la Frantscha, l'Italia, la Spagna e la Gronda Britannia che tutgan tar ils «Big Five». La show è vegnida producida da studentas e student da la FHGR.
Ils pajais che concurrenzeschan al mezfinal ils 13 da matg 2025 a Basilea:
| 1. mesadad da la show | 2. mesadad da la show |
|---|---|
| Slovenia | Albania |
| Ucraina | Aserbaidschan |
| Pologna | Croatia |
| Svezia | Pajais Bass |
| Portugal | Norvegia |
| Islanda | San Marino |
| Cipra |
Ils pajais che concurrenzeschan al mezfinal ils 15 da matg 2025 a Basilea:
| 1. mesadad da la show | 2. mesadad da la show |
|---|---|
| Lituania | Tschechia |
| Armenia | Israel |
| Montenegro | Malta |
| Grezia | Finlanda |
| Irlanda | Danemarc |
| Australia | Luxemburg |
| Lettonia | Georgia |
| Austria | Serbia |