La situaziun da partenza è buna: 2022 han tuts chantuns en Svizra scrit cifras nairas. Tenor la conferenza da directuras e directurs chantunals da finanzas èsi dentant finì davent dad ussa. Quests puncts vegnan a chaschunar main entradas e dapli expensas:
- Vegliadetgna da la populaziun: ils custs da tgira e sanadad ston per il pli ils chantuns purtar
- En il futur stoppian ins quintar cun main u naginas distribuziuns da la Banca naziunala
Cunzunt las decisiuns sin nivel da la Confederaziun vegnian ad engrevgiar la situaziun finanziala dals chantuns:
- La taxaziun individuala
- L'aboliziun da la valur da l'atgna locaziun
- La reducziun da la cumpart da la taglia federala directa dals chantuns
- La cuntraproposta e l'initiativa da franar ils custs da sanadad
Davart l'iniziativa e la cuntraproposta crititgescha la conferenza che quai restrenschia l'autonomia dals chantuns da budgetar. E la reducziun da la cumpart dals chantuns vi da la taglia federala directa refusescha la conferenza a moda stricta.
audio
Per tadlar: las novitads da las 11:00
ord RTR Audio dals 30.05.2023.
laschar ir. Durada: 3 minutas 11 Secundas.
