E quai èn ulteriurs temas cun muntada naziunala e speziala muntada per il Grischun:
- Suenter l'offensiva solara vul il parlament lantschar in express d'energia da vent. Tranter auter duessan ils chantuns survegnir la pussaivladad da dar la lubientscha finala a la construcziun d'ovras d'energia da vent.
- I vegn discutà en il Cussegl dals chantuns ina moziun da Martin Schmid (PLD/GR): Quella duai garantir l’assistenza medicinala en tut las regiuns dal pajais.
- En il Cussegl naziunal vegn debattà sch'i è da suttametter las infrastructuras strategicas dal sectur d‘energia a la Lex Koller.
- En la segunda emna da la sessiun vai en la Chombra gronda er anc per l'initiativa da colliar la vegliadetgna da pensiun cun l'aspectativa da vita u la vegliadetgna da votar. Plinavant vegn decidì sch'i è da metter or da servetsch 25 panzers per pudair vender quels a la Germania.
