En tut han ils chantuns serrà giu l'onn per bunamain 4,6 milliardas francs meglier che budgetà. Sulettamain il chantun Turitg ha fatg 500 milliuns plus enstagl dals 500 milliuns minus budgetads. Il chantun Grischun ha fatg 215 milliuns francs gudogn .
Sco sulets han ils chantuns Sutsilvania e Neuchâtel surpassà lur expensas budgetadas. Tut ils chantuns han dentant scrit cifras nairas. Che bunamain tuts chantuns han budgetà autas expensas ha da far d'ina vart cun la pandemia. Ins haja quintà cun dapli expensas pervia da quella, di Ernst Stocker, president da la conferenza da las directuras e dals directurs da finanzas dals chantuns.
Da l'autra vart ha quai era da far cun la distribuziun auta da la Banca naziunala svizra.
