Tgi che posseda ina chasa u in’abitaziun en Svizra sto pajar taglias sin l’uschenumnada valur da l’atgna locaziun. Ussa vul la cumissiun economica dal Cussegl naziunal stritgar quella. Las deducziuns da taglia per l’ipoteca e la tgira da la chasa u l’abitaziun duain restar.
Tenor las calculaziuns da la Confederaziun pudess la midada da sistem chaschunar perditas da taglia dad enfin 3,8 milliardas francs. Il Cussegl dals chantuns ha gia ditg Gea a l’aboliziun da la valur da l’atgna locaziun. En la sessiun d’atun sa fatschenta lura il Cussegl naziunal cun il tema.
