La transfurmaziun dal provediment d'energia en l'Europa e conflicts internaziunals possian effectuar stretgas d'energia durant l'enviern. La Svizra dovria plinavant dapli energia per l'economia, però er per autos electrics e pumpas da stgaudar.
«La segirezza da provediment po vegnir cuntanschida a curta e mesauna vista be tras l’extensiun da la producziun d’electricitad or da funtaunas regenerablas en Svizra», vegn il minister d’energia Rösti cità da l'agentura da novitads Keystone-SDA. La lescha accelereschia l’extensiun da la producziun d’energia cun mesiras equilibradas.
Il parlament aveva approvà cleramain la lescha . Cunter quella ha in comité sut il timun da la «Fondation Franz Weber» fatg il referendum .
