La lescha federala davart il provediment segir cun energias regenerablas è reglada. In'obligatori per montar panels da solar sur parcadis è giu da maisa, ha il Cussegl naziunal decidì. La lescha vul promover la segirtad d'energia.
Tranter auter vul ella promover la producziun d'energia cun implants solars, da vent e d'aua. Quai duai gidar d'evitar tant sco pussaivel ina mancanza d'electricitad ils envierns.
En l'avegnir vegn tenor la lescha la producziun d'energia ad avair precedenza avant la protecziun da la natira. En il focus stattan 16 ovras idraulicas. Per evitar eventuals referendums han las duas chombras per l'ina stritgà in'obligaziun da solar sin chasas e parcadis, e per l'autra prescrit dapli quantitad d'aua restanta per las ovras idraulicas, per segirar la biodiversitad en ils flums.
