- La prima gronda naiv chaschuna impediments ed accidents sin via. En il Grischun hai dà 10 accidents pervi dad autos cun pneus da stad. En è il caos anc stà bler pli grond. Tranter auter è il traffic public a Berna, Basilea e Turitg per part stà interrut cumplainamain.
- Ruth Metzler e betg Markus Wolf ha persvadì la maioritad dals delegads e da las delegadas dal parlament da sport a Berna. Ed uschia daventa l'anteriura cussegliera federala la nova presidenta da Swiss Olympic. Ella succeda a Jürg Stahl davent dal 2025.
- Tumein ha in nov president communal. La radunanza communala ha elegì l'unic candidat Hans-Peter Clénin sco successur da Martin Wieland.
- Razén prova cun novas vias da finalmain chattar in succesur u ina successura per Reto Löpfe che vul dar giu il post da president communal. Uschia ponderescha la suprastanza da scriver ora publicamain la plazza sco president communal. Ultra da quai duai la cummisiun da tschertga, tschertgar vinavant. Be adattar las structuras na gida tenor la suprastanza nagut.
- Il cusseglier naziunal Martin Candinas vul dapli controlla tar las suttascripziuns per iniziativas. Suenter il scandal cun talas sfalsifitgadas ha el spluntà cun ina moziun tar il Cussegl federa. La resposta è surpendenta: Apparentamain datti gia ina lescha persuenter, be che la gronda part dals chantuns e vischnancas n'enconuschan betg ella.
Il di en survista
Themen in diesem Newsticker
- Schluein vul construir abitaziuns en l'ustaria dal vitg
- Andeer quinta cun in deficit il 2025
- Autoritads da La Punt Chamues-ch survegnan dapli paja
- Tavau batta Berna cun 6:3 ed è a la testa da la tabella
- Nagina medaglia da bronz per ils curlists svizzers
- Ruth Metzler fa la cursa cunter Markus Wolf
- La Banca naziunala svizra vul augmentar l’agen chapital
- Locals da consumar drogas sco Cuira vul datti gia en Svizra
- La naiv fraina la Posta e la SBB
- Diras contractivas per il clima
- Nations League cun duel Italia cunter Germania
- Gronda onur per Nemo a Londra
- Rachetas russas per la Corea dal Nord
- Ignazio Cassis s’inscuntra cun Sefcovic da l’UE
- Ils curlists svizzers dattan per bronz
- Dus autos han brischà
- Razén ponderescha novas vias per successiun da president communal
- Gaza: commembers da Hamas e civilists morts
- Grüsch auza pe da taglia
- USA crititgeschan cumonds d'arrest
- Hans-Peter Clénin nov president communal
- Polizia vul metter Bolsonaro davant dretgira
- Russia attatgescha cun nova racheta
- USA: Bondi per Gaetz
- Schluein: Spustà decisiun davart cunvegna cun chasa da vegls
- Prix Courage 2024
- La naiv è qua – er en la Bassa
- Boris Pistorius na vul betg candidar sco chanzelier
Il sguard enavant
- Per la prima giada pudess in Grischun survegnir il pli aut post dal sport svizzer, numnadamain il presidi da Swiss Olimpic. I candideschan numnadamain Markus Wolf, anteriur CEO da Swiss Ski e da l'Arena Alva encunter l'anteriura cussegliera federala Ruth Metzler. L'elecziun è l'ultima tractanda dal parlament naziunal da sport ch'è sa radunà il sa radunà il suentermezdi a Berna.
Aura naiv e lavinas
- La notg sin sonda pudessi anc naiver in zic. Ma tut en tut sa quietescha l'aura ed i vegn puspè pli bel e pli chaud sin la fin d'emna. Il proxim disturbi che pudess forsa anc ina giada purtar in zic naiv en il Grischun suonda lura il cumenzament da l'emna proxima.
- Privel da lavinas: Da la vart sanestra dal Rain anteriur sco er en las vals Tujetsch e Medel èsi da quintar cun in privel da lavinas considerabel, stgalim 3. Per il rest dal chantun annunzia l’Institut da naiv e lavinas a Tavau in privel da lavinas moderà, stgalim 2.
