- Uss è cler: Il plan prevesa novas zonas d'abitar per la populaziun da Brinzauls a Casti, Alvagnì e Vazeroul per il cas ch'il vitg na fiss betg pli abitabel. Cunzunt per ils dus manaschis purils vai per l'existenza e sch'ina tala cun manaschi fiss inisumma pussaivla insanua auter. Il pur Giorgin Bonifazi ha partì ses destin, ses quitads e sias emoziuns.
- Er tar l'ospital Samedan sa tschenta la dumonda – co vinavant? Sco la fundaziun purtadra ha infurmà fiss la varianta d'integrar l'ospital en il manaschi da l'ospital chantunal a Cuira, finanzialmain la meglra varianta per las vischnancas da la regiun. Tuttina restan suenter la saira d'infurmaziun anc dumondas sche quai è propi la dretga via, tge ch'i muntass per la qualitad, la purschida e perlas plazzas da lavur.
- La regenza grischuna ha decis d'auzar l'agid social per 30 francs sin nov 1'061 francs il mais per ils custs da viver. Quai per s'adattar a la chareschia ed als svilups da pretschs e pajas.
- Plinavant ha il chantun lantschà l'uschenumnà «e-portal» che dat la pussaivladad da nizzegiar servetschs dal chantun da tuttas uras online senza stuair resguardar uras da spurtegl u da biro. Per nizzegiar il servetsch dovri in conto d'utilisaziun ch'è gratuit.
- La SRG SSR, la chasa-mamma da las unitads da radio e televisiun en tut las quatter regiuns linguisticas da la Svizra stritga 1'000 plazzas enfin il 2029. I sa tracta da respargns da 270 milliuns francs e da la pli gronda transfurmaziuns da fin qua.
- Las malauras dal zercladur e fanadur en il Vallais custan milliuns. Be per refar che fa la pli gronda prescha sco rempars, vias ed infrastrucutra agricula e forestala quinta il chantun cun 141 milliiuns francs.
Il di en survista
Themen in diesem Newsticker
- Schluein stritga tractanda da la radunanza communala
- Viadis da tren e gervosa – dus novs records da Svizzers e Svizras
- Boris Pistorius na vul betg candidar sco chanzelier
- La naiv è qua – fin giu en la Bassa
- Curlistas svizras en il final
- Putin smanatscha cun dapli rachetas sin l'Ucraina
- Muniziun speziala è ida da la Svizra en l’Ucraina
- Suprastanza da Samedan vul sbassar la taglia
- Suspect cunter in giuven plevon
- Tavau annunzia bunas vistas finanzialas
- Malauras en il Vallais custan blers milliuns
- Curt penala internaziunala prenda en mira Netanjahu
- Bleras persunsa en Svizra èn memia grossas
- Er ils curlists svizzers fan il pass en ils mezfinals
- Vendì passa 3,8 milliuns vignettas electronicas
- Chattà um sparì a Grono
- Chantun lantscha «ePortal»
- Cumbat cunter «acquisiziun fraida»
- SRG SSR stritga 1000 plazzas cumplainas fin il 2029
- Weko crititgescha chasa editura franzosa
- Agid social: 30 francs dapli per custs da viver
- Google duai vender Chrome
- SUVs dumandads en Svizra
- Genevra è en il quartfinal da la Champions Hockey League
- Stemprà d'enviern en il vest dals Stadis Unids
- Via libra per nova cumissiun
- Translocar Brinzauls: Zonas d'abitar a Casti, Alvagni e Vazarouls
- Hockey regiunal – victorias per Arosa e San Murezzan
- Ospital Samedan: Integraziun en l'ospital chantunal faschess senn
La naiv è qua e cun ella er il privel da lavinas
- La notg che vegn naivi intensiv – damaun avantmezdi mo anc per part. Ma gia il suentermezdi entschaivi puspè a naiver. En l'Engiadina mo parzialmain. Là splendura il sulegl in pau pli savens ed en las valladas dal sid dat el schizunt per gronda part. I resta frestg (-6 fin +2°C) fin la fin d'emna nua ch'il favugn e pulit bler sulegl dauzan puspè las temperaturas.
- En la gronda part dal chantun vala in privel da lavinas moderà stgalim dus. En la gronda part da la Surselva, cunzun sin spundas cunter nord ed ost vala in privel considerabel, stgalim trais.
- Sin rtr.ch/aura/naiv datti l'entira survista cun il privel actual l'autezza e la previsiun
- Qua vai tar la prognosa da l'aura sin rtr.ch
