- Las votantas e votants da Flem han decis da vulair vender la parcella cun la Waldhaus Arena als novs proprietaris da l’hotel Waldhaus. Cun 624 cunter 238 vuschs èsi stà ina decisiun clera.
- A Sumvitg è il president communal Patrick Schaniel vegnì reelegì per in'ulteriura perioda d'uffizi. Da 330 vuschs valaivlas ha el fatg 293. En suprastanza èn plinavant vegnids elegids da nov Martin Bundi e Diego Deplazes. Cornelia Cathomas e Meinrad Degonda èn vegnids reelegids.
- Var 40'000 persunas han visità la fin d'emna l'Agrischa a Cuira. Tant la polizia da la citad, sco er ils organisaturs tiran ina bilantscha positiva. Tenor Hanueli Salis, in dals organisaturs, hajan ins survegnì blers resuns positivs. Plinavant n'haja dà nagins incaps u accidents durant la fiera.
Il di en survista
Themen in diesem Newsticker
- Furmla 1: Oscar Piastri gudogna GP Bahrain
- Ballamaunistas svizras van per l'emprima giada a la WM
- Ballape regiunal: Domat gudogna, Trun/Rabius perda
- 40'000 visitaders e visitaders a l'Agrischa
- Arabia Saudita vul daventar ina forza atomara
- Elecziuns Soloturn: PPS per l'emprima giada en la regenza
- 31 morts suenter attatga da rachetas en Ucraina
- Fin 500'000 francs per lobbying per IA en Stadis Unids
- Patrick Schaniel reelegì sco president communal da Sumvitg
- Flem: Waldhaus Arena po vegnir vendida – plirs credits approvads