Patrick Schaniel è vegnì reelegì sco president communal da Sumvitg. Da las 330 vuschs valaivlas ha el fatg 293. 37 vuschs èn idas ad autras persunas. Patrick Schaniel era l'unic candidat uffizial per il presidi.
Patrick Schaniel ha l'entschatta da quest onn surpiglià l'emprim presidi da la COORA, la Corporaziun da las vischnancas concessiunarias da l’Ovra Electrica Rain Anteriur SA. En quella funcziun duai el contrahar cun las forzas unidas da 6 vischnancas las cundiziuns per la concessiun per la Ovras electricas Rainanteriur. Lingias grassas ha Patrick Schaniel dentant plitost fatg l'atun passà. Lura aveva el dà giu per immediat il presidi da la Sanasurselva – quai er suenter ch'igl aveva dà smanatschas persunalas.
Elecziun da la suprastanza
Plinavant ha la populaziun elegì las suandantas persunas en la suprastanza. Il pli absolut era tar 163 vuschs.
- Martin Bundi (nov), 304 vuschs
- Cornelia Cathomas, 297 vuschs
- Meinrad Degonda, 361 vuschs
- Diego Deplazes (nov), 287 vuschs
La participaziun muntava a 41%.