Il Cussegl federal vul garantir a curta vista il provediment d'electricitad durant l'enviern. Perquai ha la Confederaziun concludì l'atun 2022 – cun la revisiun da la Lescha d'energia – ina mesira urgenta.
Ils midaments da la Lescha d'energia valan fin la fin dal 2025, la finamira è che survegnir la lubientscha per realisar gronds indrizs fotovoltaics duai vegnir pli simpel e pli spert. Tals indrizs duain en pli vegnir sustegnids cun fin 60% dals custs d'investiziun. Questas facilitaziuns duain valair fin che la producziun d'electricitad fotovoltaica en Svizra importa maximalmain 2 uras terrawatt l'onn.
L'ordinaziun lascha anc avert dumondas
Las propostas da realisaziun dal Cussegl federal na scleran dentant betg tut las dumondas avertas. En il chantun Grischun sa fatschenta perquai ina gruppa da lavur dapi mez december cun respunder las dumondas anc avertas. Ultra da quai vegn ella ad elavurar in mussavia davart ils aspects tecnics ed a prender eventualas mesiras giuridicas. La finamira saja da terminar questas lavurs il segund quartal da l’onn, coordinà cun l'ordinaziun da la Confederaziun che n'è anc betg en vigur.
Or da l'archiv:
