En il Grischun n'ha betg pli mintga ospital u clinica ina partiziun da parturir. Quella na sa chatta betg en la glista da las prestaziuns da basa. Suenter che Tusaun ha decidì dacurt da stritgar sia partiziun da parturir, porschan anc set clinicas ina partiziun da parturir, da quels sulettamain l'Ospital chantunal dal Grischun a Cuira che porscha in provediment spezialisà en il Grischun. Nua sa chatta la staziun da parturir il pli datiers da Vossa vischnanca?
Per garantir il provediment da sanadad per il Mesauc e la val Calanca, ha il chantun in contract da prestaziun cun l'ospital Ente Ospedaliero Cantonale a Bellinzona che porscha in provediment da basa sco era spezialisà per l'agid al parturir.
Las prestaziuns da basa che mintga clinica sto porscher
Il chantun definescha e decida, tge che mintg'ospital sto e dastga porscher, uschia ch'i dat la finala ina glista da prestaziuns per mintg'ospital. Quella cuntegn prestaziuns da basa obligatoricas sco era prestaziuns giavischadas da la regiun da sanadad (savens organisada sco corporaziun da vischnancas) e da l'ospital - medemamain lubidas dal chantun. Pli grond che l'ospital è e dapli prestaziuns che vegnan purschidas. I dat dentant ina purschida minimala che tut ils ospitals ston avair. Quella cumpiglia:
Ospital Tusaun senza staziun da parturir
Per motivs finanzials ha l'ospital a Tusaun serrà la staziun da parturir. Quella incumbensa surpiglia l'Ospital chantunal dal Grischun a Cuira. L'ospital porscha dentant anc adina l'assistenza da gravidanza fin al parturir. Uschia datti diagnostica, sonografia e controllas suenter la naschientscha.