Cilgia Nuotclà arriva di per di cun la posta da Sent a Scuol per ir a lavurar en l’ufficina protegida Buttega. Qua vegnan fatgs da tuttas sorts products. Gist en il temp pli fraid l’enviern èn ils «pizaföchs» per far fieu en pigna u platta in hit da vendita.
Profi da «la memoria»
Accumpagnond a Cilgia tras ses mintgadi en la Buttega ma dat en egl, quant impurtant ch’igl è a Cilgia, che ses cumpogns e sias cumpognas enturn ella stettian bain. Ella gida nua ch’ella po – ed ella gioga betg be gugent ma er anc bain «la memoria», memory.
-
Bild 1 von 7Legenda: «In bel di» è in cun lavur en la tgira. RTR -
Bild 2 von 7Legenda: «Jau lavur fitg gugent. A mai plascha da star tranter ils pazients e lavurar cun els. Guardar, ch’i va bain cun els e ch’i saja adina tut en urden.» RTR
-
Bild 3 von 7Legenda: Cilgia Nuotclà tutga tar il team ed è bainvisa cura ch'ella vegn a gidar voluntariamain. RTR
-
Bild 4 von 7Legenda: Cilgia Nuotclà è profi da memory: «Jau hai gudagnà!» RTR
-
Bild 5 von 7Legenda: Ils «pizaföchs» èn numnadamain in hit da vendita en la butia da la Buttega. RTR
-
Bild 6 von 7Legenda: Gea, els ardan bain, ils «pizaföchs», che Cilgia Nuotclà e cumpagnia bella fan a Scuol en la Buttega. RTR
-
Bild 7 von 7Legenda: Cilgia Nuotclà, Pascal Leinenbach, Emanuel Nay, Tanja Zentriegen e Matteo De Pedrini dattan invista en lur mintgadi, lur vitas. RTR
«In bel di» è in cun lavur en la tgira
Sch’ella po lavurar en la Tgira Lischana, è quai in bel ed in bun di per Cilgia Nuotclà. Dus suentermezdis l’emna po ella gidar sco gidantra voluntaria en il Center da sanadad Engiadina Bassa.
Jau lavur fitg gugent. A mai plascha da star tranter ils pazients e lavurar cun els. Guardar, ch’i va bain cun els e ch’i saja adina tut en urden.
Ella porta da baiver, va a spass u gioga cun las persunas attempadas e fa quai uschè bain, ch’ella tutga gia tar il team.
La Buttega – lavurar ed abitar sut in tetg
En la Buttega a Scuol, l’ufficina che tutga tar la fundaziun Movimento, lavuran e vivan passa 12 persunas sur 18 onns. Qua duajan pudair viver e lavurar persunas cun in impediment corporal, spiertal e u psichic uschè autonomamain sco pussibel.
Qua èn er ils purtrets dad Emanuel Nay , Tanja Zentriegen e Bond , Matteo De Pedrini e Pascal Leinenbach .