L'Uniun chantunala da chant dal Grischun vegn purtada da tschintg districts. Latiers tutgan ils districts Alvra, Surselva, Rain Posteriur-Moesa, Grischun dal nord ed Engiadina cun la Bregaglia, la Val Puschlav e la Val Müstair.
Tenor Gian-Reto Trepp – che parta il presidi da l’uniun cun Jeanette Meier Valer – dovri urgentamain ina restructuraziun. Propostas co quella pudess vesair ora, ha l'uniun fatg mesemna saira a Schiers durant in'occurrenza d'infurmaziun per ils districts. Las structuras che sajan uss anc en funcziun derivian dal temp avant ch'i deva per exempel las novas medias sco med da communicaziun ed avant la colliaziun da l’Engiadina cun la Purtenza entras il tunnel dal Vereina – las vias eran lura pli lungas.
Nossa finamira fiss da pudair reunir tut quellas tschintg uniuns districtualas e l'Uniun chantunala da chant sut in tetg.
L'entira intervista chattais vus qua:
Restructurar e sustegnair ils singuls chors ed districts
Per il mument ha mintgin da quels districts in'atgna suprastanza cun almain trais persunas. Ch’i n'è betg adina simpel d'occupar ils posts hajan els constatà en l'uniun tetgala, manegia Gian-Reto Trepp. L'Uniun chantunala da chant è da l'avis ch'i na saja betg necessari che mintga district haja anc adina in'entira atgna suprastanza. La proposta da l’uniun è ussa che mintga district haja mo pli ina persuna elegida che possia lavurar cun ina gruppa da lavur che sa cumpona d’in dumber da commembers e commembras tut tenor basegn entaifer ina regiun. Per occurrenzas pli grondas – sco per exempel la festa da chant districtuala – pon alura dapli persunas esser en questa gruppa da lavur, per occurrenzas pli pitschnas pli paucas.
Dapli videos da noss chors
La finamira da questa restructuraziun saja en emprima lingia da distgargiar ils districts e da reducir las incumbensas administrativas. Quellas duain vegnir surpigliadas per gronda part da l’uniun tetgala.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Co vinavant
Las reacziuns suenter l'occurrenza d'infurmaziun sajan stadas en emprima lingia positivas. L'uniun chantunala da chant dal Grischun saja motivada da prender a mauns l'ulteriur process, di Gian-Reto Trepp. Sco emprim vulan els rimnar resuns dals singuls districts. Quels vegnan lura integrads en lur propostas e suenter duai – il meglier gia l'auter onn – vegnir votà davart las novaziuns en ils districts.
Emnas da chant sco alternativa ad in chor – l'exempel en Surselva
Ils chors han da sbatter per tschertgar chantaduras e chantadurs. Ed era sch'in dirigent dat ina giada giu ses post survegn la suprastanza in puls in pau pli aut. Ina alternativa da chantar en in chor en projects che duran pli curt temp ed èn persuenter pli intensivs.
Willi Derungs che deriva da Vignogn e viva a Berna organisescha en Surselva mintga onn ina emna da chant. Sper diriger differents chors en la bassa instruescha el era a la Scol'auta da musica a Turitg e viva uschia da la e per la musica ed il chant. Willi Derungs enconuscha bain las differenzas tranter chantar en in chor u durant in project.
