Marco Kunz ch'è enconuschents sut ses num d'artist Kunz ha lantschà quest project naziunal avant 4 onns. «Lain chantar» duai laschar reviver e dar nov schlantsch a chanzuns popularas svizras:
Las chanzuns «veglias» tractan era da temas actuals e nus avain vulì far attractiv quellas era per il public pli giuven.
Ensemen cun var 30 chantaduras e musicists ha el interpretà da nov e registrà chanzuns sco «S isch mer alles eis Ding», «La chanson des Vieux-Prés», «Amore mio, non piangere».
Enfin ussa han els edì 40 chanzuns sin dus discs cumpacts cun dus cudeschs da chant. Tranter quellas sa chattan quatter rumantschas:
L'atun vegnan lura dus ulteriurs discs cumpacts cun dus cudeschs da chant. Lura ha la truppa musicala edì en tut 80 chanzuns popularas en tut las quatter linguas naziunalas. Tranter quellas dettia lura era ina chanzun surmirana, empermetta Laura Decurtins. La musicologa è stada responsabla per la selecziun da las chanzuns rumantschas e ha, ensemen cun Ursina Giger, dà sia vusch a las chanzuns nov interpretadas.
-
Bild 1 von 2Legenda: Uschia guardan ils emprims dus cudeschs da notas e discs cumpacts ora. RTR -
Bild 2 von 2Legenda: Il chantadur da Lucerna e la chantadura grischuna èn stads sin visita el studio dad RTR. Raphael Meier
Las chanzuns van en emblidanza
Che las chanzuns popularas svizras na vegnan savens betg dadas vinavant haja plirs motivs, di il chantadur Marco Kunz. Per l'ina na passentia nossa societad moderna betg pli tant temp en cuminanza e per l'autra giaschia bler era vid l'instrucziun da scola:
Gist scolastas e scolasts che na san betg sunar in instrument na chantan era betg uschè gugent cun la classa.
Trair suenter ils uffants
Perquai hajan els sper ils discs cumpacts era edì chanzuns da notas e la melodia instrumentala da tuttas chanzuns per pudair chantar cun. Chantar saja insatge uschè bel ed i saja impurtant ch'ils uffants possian crescher si cun quai, di Marco Kunz.
Malgrà che bleras e blers paran da preferir musica internaziunala englaisa, survegnian els blers buns resuns per lur project. E quai da giuven sco era da vegl.
Or da l'archiv