L’inscunter da chant a Zuoz duai esser in format nua ch'i vegn discutà, tematisà, nua ch'i vegn analisà e barattà ideas davart dal chant ed il chattar sasez.
A l'emprim inscunter da chant datti lavuratoris da chant per singuls ed er gruppas. Plinavant datti referats p.ex. dad Andrè Fischer, in cumponist, dirigent e professur da teoria, che raquinta sur da la realisaziun d'ina cumposiziun.
L’interacziun stat en il center da las occurrenzas, saja quai durant ils concerts e referats nua che las participantas ed ils participants han directamain la pussaivladad da far dumondas. Co funcziuna il chor, co cultiveschan els il chant, quant impurtant è il chor insumma, co funcziuna la schelta dals tocs da chant.
L’occurrenza ha lieu mintga dus onns a Zuoz, alternond cun il festival Travers. L’emprim inscunter da chant ha lieu tranter ils 13 ed ils 15 d settember 2024 a Zuoz. Iniziants dal project èn Curdin Lansel e Martin Camichel da Zuoz.
