Dus candidats e la candidata sa mettan a disposiziun per il post dal presidi da la citad ed uschia per suandar ad Urs Marti, che sto terminar pervi da la limitaziun dal temp d'uffizi.
Hans Martin Meuli
Hans Martin Meuli duai succeder a ses collega da partida, il president actual, Urs Marti ch'è dapi il 2012 en uffizi ed ha cuntanschì la limita da temp d'uffizi. L'um da 56 onns è fiduziari ed gia dapi il 2011 en il parlament da Cuira. Sco el di sez, vul el cunzunt cuntinuar cun la lavur en il medem senn sco Urs Marti.
Finamiras
- Tegnair en egl las finanzas e ch'i vegnia investì raschunaivel en la citad.
Patrik Degiacomi
Degiacomi haja dapi sia entrada en l'uffizi sco manader dal departament furmaziun, societad e cultura tranter auter pudì sbassar ils pretschs per las canortas d'uffants u chattar ina schliaziun per l'educaziun musicala ordaifer la scola.
Finamiras
- Survegnir sut controlla la scena da drogas a Cuira.
- La sanaziun dal teater Cuira.
- La purschida d'abitaziuns pajablas.
Sandra Maissen
Sandra Maissen vul vegnir la proxima presidenta communala da Cuira. Sia partida, l'AdC Cuira, ha nominà ella unanimamain sco candidata. Maissen maina gia il departament da construcziun da Cuira sco commembra da la suprastanza da la citad. Sut ella haja dà pliras midadas positivas a Cuira: la construcziun da l'areal da scola e sport Fortuna, e la renovaziun da la staziun Cuira vest.
Finamiras
- Engrondir la segirtad a Cuira, er en connex cun la criminalitad da drogas.
- Las finanzas da la citad duain vegnir consolidadas.
- Mesiras cunter la mancanza da persunal e la protecziun dal clima duai vegnir resguardada en la planisaziun locala.
Trais persunas candideschan per ils dus ulteriurs posts en suprastanza, sper quel dal presidi.
Hanspeter Hunger
Hanspeter Hunger duai represchentar ils interess burgais en l'executiva da Cuira, uschia la PPS. Il scolast secundar da 50 onns è rectur d’ina scola da tscherna da professiun en il chantun Turitg.
Finamiras
- Politica da finanzas durabla.
- Preservar il standard da viver.
- Augmentar la segirezza da la citad da Cuira.
Simon Gredig
Gredig è deputà dal Cussegl grond e commember da la cumissiun da gestiun. El ha studegià scienzas da l'ambient a l'ETH ed è mainagestiun da Pro Velo Grischun.
Finamiras
- Ina citad attractiva per tut las generaziuns cun spazis verds e quiets per passentar il temp.
- Meglierar la situaziun da traffic en la citad cun far pli attractiv meds sco traffic public u il velo per vegnir a la lavur.
Johannes Meyer
L'um da 46 onns è creschì si a Cuira e lavura sco cussegliader independent en il sectur da protecziun da datas e tecnica medicinala. Plinavant haja el experientschas da dar scolaziuns ed è dapi curt commember da la cumissiun da furmaziun dal parlament da Cuira.
Finamiras
- S'engaschar per ina citad pli ecologica, creativa e digitalmain fitta.
- Dapli libertad per persunas giuvnas, il pensar economic, la digitalisaziun e dapli natira en la citad sezza.
