La PPS vul turnar en il cussegl da la citad da Cuira. Hanspeter Hunger duai represchentar ils interess burgais en l'executiva da Cuira, uschia la PPS.
L'ultima giada che la PPS ha gudagnà in sez en il cussegl da la citad era quai il 2001, cun Christian Boner sco president communal. Questa giada na vai però betg per il presidi, di Hanspeter Hunger.
Quai è ina decisiun politic-strategica che nus n'attatgain betg la candidatura da la PS per il presidi.
Las ultimas candidaturas da la partida burgaisa cun Hanspeter Hunger il 2016 e Mario Cortesi il 2020 n'han betg gì success. Uschia candideschan fin ussa sper Hanspeter Hunger era il socialdemocrat Patrik Degiacomi ed il liberaldemocrat Hans Martin Meuli.
Meuli e Degiacomi candideschan explicitamain per succeder ad Urs Marti sco president da la citad.
Las elecziuns èn ils 9 da zercladur 2024.
