La Partida liberaldemocratica da la citad da Cuira ha nominà Hans Martin Meuli sco candidat per il post da presidi da la citad e sco cusseglier da la citad. El duai cunquai succeder a ses collega da partida, il president actual, Urs Marti ch'è dapi il 2012 en uffizi ed ha cuntanschì la limita da temp d'uffizi. Cun sia nominaziun duai la lavur da success da la PLD en il cussegl da la citad cuntinuar, sco la partida ha communitgà.
Hans Martin Meuli ha 56 onns, è fiduziari ed è gia dapi il 2011 en il cussegl da la citad da Cuira. Sco el di sez vul el cunzunt cuntinuar cun la lavur en il medem senn sco Urs Marti, el vul surtut tegnair en egl las finanzas e ch'i vegnia investì raschunaivel en la citad.
Las elecziuns per il cussegl ed il parlament da la citad èn ils 9 da zercladur 2024.
Or da l'archiv
Sper Urs Marti e Patrik Degiacomi ch'eran gia en uffizi, han avant quatter onns Sandra Maissen, Anita Mazzetta e Mario Cortesi candidà per il cussegl da la citad.