L'onn 2024 hai gist dà intginas occurrenzas ch'i na dat betg mintg'onn e che RTR ha nizzegià per far registraziuns. Uschia per exempel la concurrenza da chors svizra , concerts dals King's Singers u dal Tenebrae Choir , la festa chantunala da musica a Claustra u la festa districtuala da chant da la Surselva a Trun.
Sper questas occurrenzas hai dentant era dà concerts usitads sco quel dal JUSI (Jugendsinfonieorchester Graubünden) u dal JBOG (Jugend Blasorchester Graubünden) che RTR registrescha regularmain.
L'Artg musical dat in sguard enavos sin questas registraziuns e quai la dumengia ils 12 da schaner 2025 sin ils mais schaner fin zercladur. Nus cumenzain cun la concurrenza da chors svizra e chalain cun la festa chantunala da musica a Claustra.
La dumengia ils 19 da schaner 2025 cuntinuescha il sguard enavos cun la festa districtuala da chant a Trun sur concerts dal JBOG ed il Vokalensemble incantanti enfin la registraziun la fin d'october dal concert «Convivenza» a Vella. Nossas registraziuns da videos per il temp da Nadal chattais sin PlayRTR, per exempel « Nadal Grischun » .
Bleras da questas registraziuns chattais er sin nossa plattafurma Playfestas u sin PlayRTR .
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.