Il Tenebrae Choir da Londra vala sco ina dals megliers chors maschadads dal mund. Il favrer passà ha el dà in concert en la chapitala grischuna, a Cuira en la Baselgia Son Martin. Sut la direcziun da l'anteriur commember dals King's Singers, Nigel Short, ha il chor chantà ovras da Brahms, Bruckner e Bundi.
Organisà il concert ha l'uniun chant.gr. Quella vul carmalar furmaziuns d'elita en il chantun Grischun per enritgir la scena da chant e musica en noss chantun. L'emprim concert che l'uniun ha organisà è gist stà quel cun il Tenebrae Choir. In dals chaus da la nova uniun è Flavio Bundi. Il cumponist e dirigent è fermamain engaschà en e per la scena da chors. El ha dà pled e fatg ad RTR.
Il contact cun il Tenebrae Choir è sa dà cun in auter chau da l'uniun chant.gr. Thomas Märki è il manager en Svizra dal Tenebrae Choir. L'avust arriva il chor per ina segunda giada en il Grischun. En la claustra da Mustér dattan els in workshop e chantan er in concert ensemen cun chantaduras e chantadurs laics.
L'entir concert a Cuira dal Tenebrae Choir pudais vus era tadlar sin rtr.ch/playfestas.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.