Klosters 2024 - Festa da musica a Claustra

Il comité d’organisaziun tira ina bilantscha positiva. L’aura è stada buna fin l’ultim mument – pir sin via en tenda da festa per la rangaziun hai cumenzà a plover. Las musicistas ed ils musicists hajan en tutta cas gì grond plaschair. Era tecnicamain ed organisatoricamain haja pli u main tut funcziunà sco planisà.

Impressiuns da la festa

A la fin da la festa chantunala da musica hai anc dà in grond cortegi cun las societads da musica. Igl è stà in spectachel per tut las visitadras e tut ils visitaders che tantas musicistas e tants musicists èn sa preschentads anc ina giada. Il cortegi ha manà sper la tenda da festa vi sin in prà, nua che tuts èn sa rimnà per sunar communablamain dus tocs. Natiralmain eran tuts ch’èn stà participads a la festa plain marveglias quants puncts ch’els han fatg e sch'i haja tanschì per in plaz sin il podest.

E qua datti dapli dal musicant da Malix:

La rangaziun è l'act final da la festa Klosters 2024 han gì lieu tranter las 16:35 e las 17:15 en tenda da festa.

Cun vus al puls da la festa Klosters 2024

Concurrenza da marschar e da concert

Da la concurrenza da marschar – la musica da parada – ha RTR fatg in livestream sin nossa pagina rtr.ch. L'emprim ha gì lieu la sonda. La segunda part da la concurrenza da marschar ha gì lieu la dumengia da las 11:30 fin las 14:15.

Sper la concurrenza da concert hai dà insaquants concerts sin las tribunas en il liber. Ed en tenda da festa ha gì lieu la ceremonia da bandieras e l’onuraziun dals veterans.

Trais dirigents dattan rapport suenter lur producziuns da concert:

Il dirigent per la musica è sco il trenader d’ina equipa da ballape – el ha da guardar che ses team vegnia cun la prestaziun sin il punct. Nus avain discutà cun plirs dirigents durant questa festa e dumandà co ch'els van enturn cun quella situaziun e quant cuntents ch’els èn cun lur “giugaders”.

Tge din ils dirigents?

RTR ha rapportà sonda sco er dumengia intginas uras live directamain da Claustra..

ABC da festa

Era quai enturn il far musica ha da funcziunar...

Ils lieus da producziuns

Per las concurrenzas (zona da silenzi) datti a Claustra dus locals: Arena-Klosters e la nova halla da gimnastica. La concurrenza da marschar ha lieu sin la Landstrasse, en vischinanza da la staziun e da la tenda da festa e da las duas zonas da silenzi.

Nua sa chatta tge?

Avrir la box Serrar la box

1. Halla da gimnastica
2. Staziun
3. Alpina
4. Casa da scola veglia
5. Tenda da festa
6. Arena
7. Wynegg
8. Roffler
9. Zimmermann
10. Gesamtspiel
11. Start tschancun da marschar
12. Start cortegi
13. Silvrettazelt

Il program detaglià e tge musicas che sunan nua durant la fin d'emna da la festa chantunala da musica chattais qua sut:

Klosters 2024: Ils programs da la festa da musica en detagl

Tuns e suns da la festa

Onuraziuns

En tut èn vegnì onuradas 104 musicantas e musicants. Ina persuna è daventada veteran d’onur federal per 70 onns activitad en ina societad da musica. 7 persunas èn vegnidas onuradas sco veteran CISM per 60 onns activs, 9 persunas èn daventà commember d’onur da l’Uniun da musica chantunala GKMV per 50 onns activitad.

Veteran federal vegnan ins cun sunar almain 35 onns en ina societad da musica. A Claustra survegnan 42 persunas questa medaglia e 44 persunas survegnan la medaglia da veteran chantunal per 25 onns activitad en ina societad da musica.
In ulteriur pensum che las societads da musica han gì d'ademplir per la festa da musica ha gì da far pauc cun far musica. Las musicistas ed ils musicists han numnadamain gì da crear ina tabla per lur musica or d'ina aissa lain. Cun quai han els demussà creativitad e chattà simbols che represchentan lur uniun.

Las tablas da marschar

Quels dad Innerdomleschg èn stà ils pli creativs. L'idea per lur tabla è nada enturn la maisa radunda.

Las musicas èn daventadas creativas

Program accumpagnant

Per il divertiment durant ils dus dis da festa ha il comité d’organisaziun engaschà ulteriuras furmaziuns. Sin trais tribunas (tenda da festa, Alpina e Wynegg) han ins pudi tadlar chapellas da musica populara, tamburs u era partybands. En la tenda da festa hai dà suenter la rangaziun da sonda saira divertiment fin tard la notg.

Gust da tadlar musica?

Avrir la box Serrar la box

Sin nossa plattafurma Play Festas chattais era numerusas registraziuns da Festas da musica dal passà. Nus giavischain bun divertiment.

QUIZ

RTR ha mirveglias tge che vus savais da la musica instrumentala.