Il cler victur da la concurrenza svizra da chors è il consonus vokalensemble. Els han gudagnà la categoria d'elita ed er fatg ils pli blers puncts en il final.
Da chantar en il final – cunter 15 auters chors – saja stà in sentiment bel ed era emoziunal, uschia Nicolas Blumenthal en l'intervista cun RTR. I sajan muments da pel-giaglina .
Tut la rangaziun e la survista dals puncts chattais en quest artitgel. E qua datti in sguard davos las culissas da l'entira producziun.
Chant, gnervusitad ed emoziuns
En la baselgia Son Martin, Son Luzi, en il teater a Cuira, en la Postremise ed en l'auditori da la banca chantunala è vegnì chantà. Uschia hai dà concerts communabels, concerts da motto e da gala – dentant principalmain èsi ì per las represchentaziuns avant giuria. Malgrà ch'il gudagnar n'è betg il pli impurtant, la concurrenza tranter ils chors hajan ins per part schon badà – er sche nagin giavischa als auters insatge nausch.
Registraziuns da RTR
Entant ch'ils chors han chantà e tadlà, era er la redacziun da musica lavurusa. Els han publitgà ils emprims videos da las preschentaziun avant giuria. Ulteriurs videos suondan ils proxims dis.
Registraziuns da RTR
Represchentaziuns en il teater Cuira
-
Bild 1 von 4. Spetgar sin ils resultats. Curt avant il final vegnIva la plazza davant il teater a Cuira adina plaina. Bildquelle: RTR.
-
Bild 2 von 4. La dumengia han tranter auter chantà ils chors d'uffants e giuvenils – sco qua «Les Enchanteurs de Ste Thérèse». Bildquelle: RTR.
-
Bild 3 von 4. Cun egliadas ed ureglias criticas sa metta la giuria vid la lavur. Bildquelle: RTR.
-
Bild 4 von 4. «Les Enchanteurs de Ste Thérèse» durant lur represchentaziun en il teater a Cuira. Bildquelle: RTR.
La sonda: in di plain concurrenzas
Impressiuns da la sonda
-
Bild 1 von 11. Davosas preparaziuns: Ils King's Singers durant il soundcheck. Er lur concert ha RTR a registrà e vegn a metter online el. Bildquelle: RTR.
-
Bild 2 von 11. Chantar avant giuria ed er anc camera: Ina experientscha speziala. Bildquelle: RTR.
-
Bild 3 von 11. Concentraziun ed emoziuns: Il dirigent vid la lavur. Bildquelle: RTR.
-
Bild 4 von 11. En la categoria B3, chors virils, chantan ils trais «gronds» chors virils dal Grischun. Il Chor viril Surses (qua da vesair), il Chor viril Lumnezia ed il Chor viril Ligia Grischa. Bildquelle: RTR.
-
Bild 5 von 11. Il chor Goccia di Voci persvada cun chanzuns (e vestids) da differentas colurs. Bildquelle: RTR.
-
Bild 6 von 11. En la categoria da chors da dunnas sa participeschan sis chors – in dad els è il Frauenchor Bubikon. Bildquelle: RTR.
-
Bild 7 von 11. Tuns fauss? Betg giavischà tar il Damenchor Chursüd. Bildquelle: RTR.
-
Bild 8 von 11. Gruppo Vocale Cantadonna:. Sch'ins chanta ina chanzun cun num «Chili con carne» na dastgan las paluttas per dar en il ritmus betg mancar. Bildquelle: RTR.
-
Bild 9 von 11. Sin quest palc sa preschentan la fin d'emna numerus chors. Bildquelle: RTR.
-
Bild 10 von 11. Quatter da las Singfrauen Winterthur mussan la qualitad da lur vuschs. Bildquelle: RTR.
-
Bild 11 von 11. Il public para d'esser intgantà. Bildquelle: RTR.
Bler public, bun chant ed ina u l'autra egliada critica
Noss redactur da musica Hugo Schär è pendulà durant la sonda tranter ils differents locals da concerts per tadlar numerus chors. En general sajan ils chors preparads fitg bain. Ina gronda sfida saja plitost la gnervusitad. Il spiert da concurrenza tranter ils chors badian ins per part dentant schon. Dà en egl dat surtut ch'i dat grondas differenzas tar il dumber da participantas. Ina bella surpraisa dentant: bler public hai bunamain adina gì.
Impressiuns ord la Postremise
-
Bild 1 von 2. Il chor dils Larischs chanta en la Postremise, in concert da scuntrada. Bildquelle: RTR.
-
Bild 2 von 2. Ils Charity Singers mussan lur chant da gospel durant il concert da scuntrada. Bildquelle: RTR.
Er ils chantadurs han pli baud u pli tard fom
Sche 1'900 chantadurs e chantadurs sa scuntran, lura dovri er ina buna logistica. En la Stadthalle procura la musica Union Cuira che mintgina e mintgin survegn insatge a mangiar. In dad els è Gion Schlosser. Tenor el era l'atmosfera buna, ils blers chors sajan lucs.
Remo Arpagaus: l'emprima giada sco dirigent tar la concurrenza
Per l'emprima giada sco dirigent a la concurrenza da chant è stà Remo Arpagaus. El dirigia il Chor da dunnas Chur Sid. El sa musa cuntent cun lur represchentaziun. Chantar sis chanzuns ina suenter l'auter, cun differents stils, tempos ed ideas musicalas, saja ina sfida. Far quellas midadas na saja betg simpel – e mintgatant dovri in u duas tacts musica per «vegnir en» en il toc.
Chant tut il di
Dapi sonda damaun è vegnì chantà a Cuira. A las 9:00 han ils emprims chors avert la concurrenza en las baselgias Son Martin e Son Luzi. Dapi mezdi vegniva er chantà en il teater da Cuira.
Ils chors chantan in program da 10 fin 15 minutas – in curt temp plain concentraziun ed in pau gnervusitad. In pau gnervusitad tutgia dentant er vitiers, manegia in dals chantadurs la sonda damaun en la Baselgia Son Luzi.
-
Bild 1 von 4. Star en lingia per ir a chantar: nagut da spezial tar la concurrenza svizra da chors. Bildquelle: RTR.
-
Bild 2 von 4. Il quartet dubel «Ils Grischuns» sa preschenta a la concurrenza svizra da chors. Bildquelle: RTR.
-
Bild 3 von 4. «Nus pudain esser cuntaints». Il chantadur Jürg Wasescha ha chantà cun il quartet dubel «Ils Grischuns». Bildquelle: RTR.
-
Bild 4 von 4. Remo Arpagaus en l'intervista. Arpagaus dirigia il Chor da dunnas Cuira sid. Bildquelle: RTR.
Per l'emprima giada sco dirigent a la concurrenza da chant è stà Remo Arpagaus. El dirigia il Chor da dunnas Chur Sid. El s'è mussà cuntent cun lur rapreschentaziun. Chantar sis chanzuns ina suenter l'auter, cun differents stils, tempos ed ideas musicalas, saja ina sfida. Far quellas midadas na saja betg simpel – e mintgatant dovri in u duas tacts musica per «vegnir en» en il toc.
Mintga trais fin quatter onns
La concurrenza svizra dals chors vegn manada atras circa mintga trais fin quatter onns. L’ultima ediziun è stada ad Aarau. La finamira da la concurrenza n’è betg exnum la cumpetiziun, mabain da parter il plaschair dal chant, promover la qualitad cantica ed era per avischinar il chant da chors ad in grond public. L’emprima concurrenza svizra dals chors è stada 1988 a Schaffusa.
Tut ils chors svizzers pon sa participar a la concurrenza svizra dals chors – independent dal nivel. Cun quai e las differentas categorias porscha la concurrenza in vast spectrum da chors e geners.
11 categorias
Diversas linguas, chors da differentas regiuns svizras, chanzuns da cumponistas e cumponists regiunals, naziunals ed internaziunals e litteratura en tuts grads da difficultad – tut quai spetga visitadras e visitaders.
Las categorias èn repartidas suandantamain:
- 2 chors d’uffants
- 6 chors da giuvenils
- 6 chors da dunnas
- 7 ensembles vocals
- 8 chors d’elita
- 10 chors virils
- 12 chors da musica populara (jazz, musica da pop...)
- 15 chors maschadads
Concurrenza
Per pudair sa mesirar han ils chors gì da preparar in program da 12 fin 15 minutas. Ils chors d’elita han er anc da preschentar la chanzun «Feglia d’atun» da Gion Andrea Casanova. Ina giuria dat lura mintgamai fin 25 puncts – la media da las valetaziuns dals commembers e las commembras da la giuria dat lura ils puncts finals e cun quai la premiaziun.
Concerts d’inscunter...
Mintga chor che sa participescha a la concurrenza dals chors sa preschenta cun dus fin trais ulteriurs chors durant in concert d’inscunter. Ils chors participants èn lura mintgamai era gist il public per il chor che stat sin tribuna.
- Sonda, 3 da favrer 2024, 13:15 – 19:15, GKB Auditorium
- Sonda, 3 da favrer 2024, 13:00 – 19:00, Postremise
- Dumengia, 4 da favrer 2024, 10:00 – 13:45, GKB Auditorium
... da motto ...
La sonda saira han lura anc lieu concerts tematics cun ils mottos «Klangliches» (baselgia Son Luzi), «Bewegtes» (Teater Cuira) ed «Intimes» (Postremise). Quels concerts vegnan preschentads da mintgamai quatter fin tschintg chors.
... e da gala
Sper tut ils concerts da concurrenza, concerts tematics ed ils inscunters musicals datti anc concerts spezials da trais chors. Il concert d’avertura dattan il venderdi ils 2 da favrer ils chors da giuvenils grischun e svizzer. La sonda saira sa preschenta l’ensemble englais cun renum internaziunal «The King’s Singers».
Emissiuns da l’ultima concurrenza svizra dals chors ad Aarau: