Empustar in paun en la pasternaria, chapir il tema da discussiun ad ina festa dal vitg en ina vischnanca rumantscha e salidar la postina e l'indigen che lavura al runal da skis per rumantsch. Quest vocabulari da basa ha RTR mess ensemen per quellas e quels che vulan far ils emprims pass en la lingua rumantscha ubain rinfrestgar la savida. Forsa èsi er in bun instrument per intimar l'amia che vuleva gia daditg fufragnar en la lingua ubain il vischin che abitescha gia decennis en territori rumantsch ed ha en la pensiun finalmain temp da far quai.
Ils vocabularis datti en tut ils tschintg idioms: sursilvan, surmiran, sutsilvan, puter, vallader sco er en rumantsch grischun.
Per scriver ina carta romantica, dumandar la via u filosofar davart l'aura
Sper engraziar, salidar e giavischar in bel di, ha RTR er fatg lexicons d'autras tematicas. Uschia datti per exempel in cun ils pleds impurtants da far sport d'enviern, vocabulari per discutar davart l'aura, vocabulari cun rimnada da las cifras ubain er in vocabulari d'amur per scriver ina bella carta ad ina persuna impurtanta ubain dir ch'ins ha gugent la tatta, l'ami u la vischina.
Tut ils lexicons per emprender rumantsch, chattais cun in clic sin rtr.ch/rätoromanisch.
Nus giavischain buna fortuna e bun divertiment!