Dapi il 1988 viva André Gerth en Germania. Il studi da teologia ha manà il giuven maturand da sias uras sco emprim a Fulda e silsuenter a Minca, nua ch'el è s'occupà intensivamain cun la teologia fundamentala – ina direcziun da teologia che s'occupescha cun la teologia sco scienza e quai en il pli vast senn dal pled.
Il plan era da daventar plevon e returnar en patria, fatg è ch'jau na sun mai returnà e oz bab da famiglia.
Sia spezialitad saja il dialog tranter las differentas religiuns, di l'um da 56 onns che s'interessescha per il mund internaziunal e global. Quest interess ha manà el era gia differentas giadas en l'Africa e sia savida sin quest sectur vegn era da bun ad el en sia plazza actuala en il uvestgieu a Cologna.
Dapli biografias e destins
Dapi diesch onns maina el il post da furmaziun e scolaziun nua ch'el vegn era confruntà cun ils fugitivs e las fugitivas en Germania. Da questa lavur e da sia via en la teologia nua ch'el sa senta era magari era sco punk, raquinta il bab da trais uffants en il Profil.