L'amur per la mar – Gino Clavuot e las undas

La mar la damaun baud, il mument sulet sin l'aissa a spetgar sin l'unda perfetga – sche l'Engiadinais Gino Clavuot discurra da la mar cumenza el a traglischar.

Cun la mar al collia in'amur profunda, in'amur ch'el viva ora tant sco pussaivel. Sis u set giadas ad onn prenda el perquai sia aissa da surf e parta per las mars dal mund: «Mia mar preferida è l'Atlantic perquai ch'ins na sa mai co ch'el è.»

Actualmain è Gino Clavuot en l'Indonesia. Avant che partir ha el dentant raquintà a la Vita e cretta per la seria estiva da las dumondas filosoficas da la mar, dad undas e squagls, cumpetiziun e resilienza, insumma da si'amur per in elemaint che n'è betg propi l'abitat usità dad in engiadinais.