La situaziun en la Strivla da Gaza è dramatica, di Ernst Lüber, directur da program da la Chadaina da Fortuna. La violenza vegn dapi in onn pira – morts, blessads, devastaziuns dapertut en il Proxim Orient. Ils basegns umanitars èn creschids e creschan vinavant. Nov da diesch persunas han stuì bandunar lur dachasa, bleras pliras giadas. La populaziun ha memia paca aua e vivonda, laccess a medischina è grev e tuts vegnan adina pli flaivels. Er leconomia è collabada. Il sulet agid vegn da lexteriur. Ma gidar è grev. Ovras dagid – che lavuran per gronda part cun collavuraturas e collavuraturs indigens – ston annunziar lur moviments e laschar lubir quels. Ed igl è er fitg privlus per las persunas che gidan. Gia blers han pers lur vita. Co che la situaziun dals ostagis israelians è, na sa Ernst Lüber betg. I na dat naginorganisaziun dagid che po entrar en contact cun els.
Er la situaziun en il Libanon è greva. Cunzunt economicamain vai fitg mal cun il pajais. I vegnan bain anc producidas victualias, ma cunzunt la populaziun en il sid dal pajais sto bandunar lur dachasa pervia da bumbardaments. Il pli impurtant en lentira regiun dal Proxim Orient è chi dettia in armistizi, di Ernst Lüber. E chils ostagis vegnian laschads liber. E che rauba possia vegnir transportada senza impediments en la Strivla da Gaza.
