«Deus in Burnout» – filosofic, satiric e piztgant

"Nus essan in product da la societad, in product d'in grond buatsch!". Cun questa pretensiun procura Luca Maurizio, cabarettist e satiricher da la Bregaglia per perplexadad e provocaziun en ses program actual «Deus in Burnout».

En ses program scrit aposta per las festivitads «500 onns Stadi liber da las trais lias» pareglia il satiricher a moda filosofica il stadi da dretg cun in buatsch e sia simbiosa cun la teoria. «Cur che la simbiosa funcziuna na toffa nagut. Jau vi dar al public ina nova optica da vesair las chaussas», di Luca Maurizio.