La segunda etappa gudogna il duo Talian Fabian Rabensteiner e Samuele Porro. Per ils 76 kilometers cun 2'400 meters d'autezza han els duvrà 3 uras, 42 minutas e 54 secundas. Vegnì l'istess mument tar la finamira èn ils victurs dad ier Lorenzo e Nicolas Samparisi. Sin il terz plaz vegn il team dad Ursin Spescha e Simon Walter cun in retard da var ina minuta. Il team da Fadri Barandun – mardi anc sin il segund plaz – vegnan 7avel cun in retard dad ina minuta e mez.
![Sechs Radfahrer auf einer Siegerehrungsbühne mit Trophäen.](https://www.rtr.ch/static/cms/images/960w/9afd5f.jpg)
En il classament general pon il duo Samparisi fabritgar or lur avantatg. Sin plaz dus suonda il duo Svizzer da Ursin Spescha e Simon Walter. Sin plaz trais èn ils Svizzers Gian Schmid e Lukas Flückiger.
Gievgia vai vinavant cun la terza etappa. Quella parta ed arriva a Tavau. Il traject maina sur il Seehronwald Trail fin a Claustra, da là sur dus alps, lura via Laret sur l'Alp Drusatscha puspè a Tavau. Il traject è 64 kilometers lung, ils meters d'autezza importan 2'100 meters.