L'emprima etappa ha gudagnà il duo talian Lorenzo Samparisi e Nicolas Samparisi. Els èn dentant be stà 4 secundas pli spert ch'il duo svizzer Fadri Barandun e Simon Vitzthum. Sin plaz trais è in ulteriur duo svizzer Ursin Spescha e Simon Walter. Il team dad RTR cun Andreas Wieland e Cornelia Schwarzentruber han cuntanschì il plaz 162.
La prima da tschintg etappas ha manà da La Punt sur la Via Engiadina, il Trail d'Alvra e Marguns sin il pli aut punct da l'etappa – Corviglia sin 2'500 m s. m. Silsuenter èsi puspì ì a val sur il WM Flow Trail ed il Foppettas Flow Trail. Dasper il Lej da Staz or ha l'etappa manà sin la davosa part sur il traject dal Maraton da skis engiadinais puspè anavos a La Punt. En tut èn quai stads 75 kilometers e 2'150 meters d'autezza.
