Blers onns ha Valposchiavo Calcio fatg part al champiunadi en terza liga. Suenter 18 onns èsi lura dentant stat uschia: Valposchiavo è turnà en la segunda liga. Dapi lura ha la squadra dal Grischun dal sid da cumbatter per pudair restar là. La stagiun passada è la squadra sa salvada pir durant la davosa partida. Valposchiavo Calcio aveva lura gudagnà la davosa partida cunter Brühl San Galla.
Nus vain da cumbatter fin a la fin per purtar a chasa la victoria.
A la fin dad ina lunga stagiun ha Valposchiavo Calcio gì in punct avantatg sin las plazzas da relegaziun
Il cumbat cuntinuescha
Suenter la davosa stagiun è la vista da Valposchiavo Calcio magari sa midada. Gist in pèr giugaders han terminà suenter la davosa stagiun lur carrieras, ubain ch’els han bandunà l’equipa. Uschia han ins stuì integrar novs giugaders ed er il duo dals trenaders è nov. Dapi questa stagiun treneschan Tiziano Togni e Marcello Bazzi l’equipa puschlavina.
Giugaders e trenaders as han l’emprim stuì chattar
Perquai che la vista da l’equipa è in'autra ch'anc avant in onn èn ils novs giugaders e trenaders l’emprim stuì sa chattar. Durant la runda d’atun ha la squadra pajà daners d’emprendissadi. Savens era Valposchiavo Calcio en avantatg ed ha lura tuttina anc pers il gieu. Suenter la runda d’atun era l’equipa dentant sin ina plazza sur il ominus stritg da relegaziun. La finamira è uss sa chapescha da restar sin ina plazza segira.
Adattà al tema
Il 2023 ha il club da ballape dal Puschlav cuntanschì la segunda liga. RTR aveva rapportà dal gieu.